నవపక్షం, శాలిగౌరారం :
కాంగ్రెస్ ప్రభుత్వం తోనే అన్ని వర్గాల ప్రజల సంక్షేమం సాధ్యమవుతుందని కాంగ్రెస్ పార్టీ వంగమర్తి గ్రామ శాఖ అధ్యక్షులు గుండె కిషోర్ అన్నారు. తెలంగాణ రాష్ట్ర ప్రభుత్వం జారీ చేసిన స్మార్ట్ రేషన్ కార్డుల పంపిణీ కార్యక్రమంలో భాగంగా సోమవారం మండల పరిధిలోని వంగమర్తి గ్రామ పంచాయతీ ఆవరణలో వంగమర్తి గ్రామ స్మార్ట్ రేషన్ కార్డుల పంపిణీ కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ రాష్ట్రవ్యాప్తంగా ప్రజలకు మంచి నాణ్యత కలిగిన సన్న బియ్యం అందించాలనే ఉద్దేశంతో ప్రభుత్వం భారీ స్థాయిలో స్మార్ట్ రేషన్ కార్డులను జారీ చేసిందన్నారు. ఈ కార్యక్రమం లో జీపివో గందమళ్ళ శ్రీ రాములు,కాంగ్రెస్ పార్టీ నాయకులు, కార్యకర్తలు, గ్రామ పంచాయతీ సిబ్బంది, లబ్ధిదారులు తదితరులు పాల్గొన్నారు.
