నవపక్షం, రాజాపేట మండల ప్రతినిధి :
రాజాపేట మండలం, బేగంపేట: గ్రామానికి చెందిన బిచ్చల బాలమల్లు ఇటీవల మృతి చెందడంతో ఆయన కుటుంబాన్ని బేగంపేట గ్రామ ఉప సర్పంచ్ బద్దం మధుసూదన్ రెడ్డి పరామర్శించారు. మృతుడి కుటుంబ సభ్యులను కలిసి వారి పరిస్థితిని అడిగి తెలుసుకుని, వారికి ధైర్యం చెప్పారు.
ఈ సందర్భంగా బద్దం మధుసూదన్ రెడ్డి మాట్లాడుతూ.. కుటుంబ సభ్యులకు తన ప్రగాఢ సానుభూతిని తెలిపారు. ఆపద సమయంలో కుటుంబానికి అండగా నిలవడం ప్రతి ఒక్కరి బాధ్యత అని పేర్కొన్నారు. అనంతరం తనవంతు సహాయంగా రూ.5,000 నగదు ఆర్థిక సహాయాన్ని మృతుడి కుటుంబ సభ్యులకు అందజేశారు.
బాలమల్లు మృతి కుటుంబానికి తీరని లోటని, ఆయన ఆత్మకు శాంతి చేకూరాలని ఆకాంక్షించారు. కుటుంబ సభ్యులు ధైర్యంగా ఉండాలని సూచించారు. అవసరమైన సమయంలో గ్రామస్తులంతా కుటుంబానికి అండగా నిలవాలని కోరారు.
ఈ కార్యక్రమంలో వార్డు సభ్యులు, గ్రామస్తులు, స్థానిక నాయకులు పాల్గొని మృతుడి కుటుంబానికి తమ సానుభూతిని తెలియజేశారు.
