వికారాబాద్, నవ పక్షం ప్రతినిధి:
రాష్ట్ర ప్రభుత్వం రైతులకు రవి సీజన్లో అవసరమైన విత్తనాలను సబ్సిడీపై వ్యవసాయ శాఖ ద్వారా ఇవ్వడం జరుగుతుందని మర్పల్లి మార్కెట్ కమిటీ చైర్మన్ మహేందర్ రెడ్డి అన్నారు. సోమవారం మోమిన్ పేట మండల కేంద్రంలోని రైతుకు వేదిక ద్వారా మోమిన్ పేట పిఎసిఎస్ నరోత్తం రెడ్డి తో కలిసి రైతులకు రబీ సీజన్లో అవసరమైన తెల్ల కుసుమ విత్తనాలు, శనగ విత్తనాలు పంపిణీ చేశారు. అనంతరం ఆయన మాట్లాడుతూ అవసరమైన రైతులు శనగ విత్తనాలు రైతు విత్తనాలు అందుబాటులో ఉన్నాయని , రైతులు పట్టా పాస్ బుక్ ఆధార్, కార్డు జిరాక్స్ ప త్రాలతో సంబంధిత వ్యవసాయ శాఖ అధికారులను కలిసి తమకు అవసరమైన విత్తనాలను తీసుకోవచ్చు అన్నారు. ఈ కార్యక్రమంలో వ్యవసాయ అధికారి రామకృష్ణారెడ్డి, ఆయా గ్రామాల సర్పంచులు, అనంత్ రెడ్డి, అశోక్, బసెట్టి విశాలా సంగమేశ్వర్, ఆయా గ్రామాల రైతులు తదితరులు పాల్గొన్నారు.
