నవపక్షం ప్రతినిధి, వికారాబాద్:
బీఆర్‌ఎస్ మాజీ మండల అధ్యక్షులు వెంకట్ జన్మదిన వేడుకలను మోమిన్‌పేట్‌లోని బీకేఆర్ గార్డెన్‌లో ఘనంగా నిర్వహించారు. ఈ సందర్భంగా వెంకట్ కేక్ కట్ చేసి జన్మదిన వేడుకలను జరుపుకున్నారు. అనంతరం నాయకులు, కార్యకర్తలు, అభిమానులు ఆయనను శాలువాలతో ఘనంగా సన్మానించి జన్మదిన శుభాకాంక్షలు తెలిపారు.
జన్మదిన వేడుకలను పురస్కరించుకుని వెంకట్ ఆధ్వర్యంలో రక్తదాన శిబిరాన్ని ఏర్పాటు చేశారు. ఈ శిబిరానికి యువత పెద్దఎత్తున తరలివచ్చి స్వచ్ఛందంగా రక్తదానం చేశారు. రక్తదానం ద్వారా ఆపదలో ఉన్న వారికి ప్రాణదానం చేయవచ్చని, ప్రతి ఒక్కరూ సామాజిక బాధ్యతతో రక్తదానానికి ముందుకు రావాలని నిర్వాహకులు తెలిపారు.
వెంకట్ జన్మదిన వేడుకలను పురస్కరించుకుని రక్తదాన శిబిరం ఏర్పాటు చేయడం పట్ల పలువురు అభినందనలు తెలిపారు. కార్యక్రమంలో బీఆర్‌ఎస్ నాయకులు, కార్యకర్తలు, యువత, అభిమానులు, తదితరులు పెద్ద సంఖ్యలో పాల్గొన్నారు.
