నవపక్షం, జుక్కల్ ప్రతినిధి:
కామారెడ్డి జిల్లా బిచ్కుంద మండలం చిన్న దడిగి గ్రామంలో బీఆర్ఎస్ నాయకులు మరియు కార్యకర్తలతో జుక్కల్ మాజీ ఎమ్మెల్యే హన్మంత్ షిండే గారు ప్రత్యేకంగా సమావేశమయ్యారు.
ఈ సందర్భంగా గ్రామంలో నెలకొన్న స్థానిక సమస్యలు, చేపట్టాల్సిన అభివృద్ధి పనులు, అలాగే ప్రజలకు అవసరమైన ప్రాథమిక వసతులపై నాయకులు మరియు కార్యకర్తలతో ఆయన వివరంగా చర్చించారు. గ్రామానికి సంబంధించిన వివిధ అంశాలను అడిగి తెలుసుకుంటూ, ప్రజా సమస్యల పరిష్కారం కోసం భవిష్యత్తులో చేపట్టాల్సిన చర్యలపై హన్మంత్ షిండే దిశానిర్దేశం చేశారు.
ఈ కార్యక్రమంలో స్థానిక బీఆర్ఎస్ ముఖ్య నాయకులు, కార్యకర్తలు పెద్ద సంఖ్యలో పాల్గొన్నారు
