నవపక్షం, కరీంనగర్ ప్రతినిధి :
తెలంగాణ సాంస్కృతిక ఆత్మకు ప్రతీక అయిన బతుకమ్మ పండుగ ఉత్సవాలు కరీంనగర్ జిల్లా, గంగాధర మండలం, పెద్ద అచంపల్లి గ్రామంలో అత్యంత వైభవంగా, నేత్రపర్వంగా సాగుతున్నాయి. గ్రామంలోని బొడ్రాయి వాడ ప్రాంతంలో మహిళలు మరియు గ్రామస్థులందరూ కలిసి జరుపుకుంటున్న ఈ బతుకమ్మ సంబరాలు ప్రత్యేక ఆకర్షణగా నిలిచాయి.
తెలంగాణ ఆడపడుచులు తమ సాంప్రదాయాన్ని చాటుతూ, రంగురంగుల పూలతో ఎంతో సుందరంగా బతుకమ్మలను తీర్చిదిద్దారు. బొడ్రాయి వద్ద గౌరమ్మను కొలుస్తూ, సాయంత్రం వేళ బతుకమ్మల చుట్టూ తిరుగుతూ భక్తిశ్రద్ధలతో చేసిన ఆటపాటలు, కోలాటాలు గ్రామవ్యాప్తంగా పండుగ వాతావరణాన్ని తలపించాయి. తెలంగాణ సంస్కృతి, సాంప్రదాయాల పరిమళాలు ఈ వేడుకల్లో ప్రతిబింబించాయని, గ్రామంలోని ప్రతి ఇంటా పండుగ శోభ సంతరించుకుందని స్థానికులు ఆనందం వ్యక్తం చేశారు.
