నవపక్షం, వేములవాడ ప్రతినిధి :
వేములవాడ పట్టణం, అర్బన్, రూరల్ మండలాల్లో కాంగ్రెస్ పార్టీ వివిధ హోదాల్లో నూతనంగా నియమితులైన ఉపాధ్యక్షులు, ప్రధాన కార్యదర్శులు, కోశాధికారులు, కార్యదర్శులు, ఎగ్జిక్యూటివ్ మెంబర్లకు వేములవాడ పట్టణ మహిళా కాంగ్రెస్ అధ్యక్షురాలు తోట లహరి హృదయపూర్వక శుభాకాంక్షలు తెలిపారు.
రానున్న రోజుల్లో కాంగ్రెస్ పార్టీ బలోపేతానికి నూతనంగా నియమితులైన నాయకులు సమష్టిగా కృషి చేయాలని ఆమె కోరారు. కాంగ్రెస్ ప్రభుత్వం అమలు చేస్తున్న సంక్షేమ పథకాలు అర్హులైన పేదలకు చేరేలా కృషి చేయడంతో పాటు, ప్రభుత్వ విప్, వేములవాడ నియోజకవర్గ ఎమ్మెల్యే ఆది శ్రీనివాస్ నాయకత్వంలో నియోజకవర్గంలో జరుగుతున్న అభివృద్ధి, సంక్షేమ కార్యక్రమాలను ప్రజలకు చేరువ చేయాలని సూచించారు.
ప్రజా సమస్యల పరిష్కారానికి అందుబాటులో ఉంటూ, పార్టీ సిద్ధాంతాలను ప్రజల్లోకి తీసుకెళ్లి కాంగ్రెస్ పార్టీని మరింత బలోపేతం చేయాలని తోట లహరి పిలుపునిచ్చారు.
వివిధ హోదాల్లో నూతనంగా నియమితులైన ప్రతి ఒక్కరికీ మరోసారి హృదయపూర్వక శుభాకాంక్షలు తెలిపారు.
