నవపక్షం, దేవరకొండ మండల ప్రతినిధి :
దేవరకొండ: దేవరకొండ మండలం కొండభీమనపల్లి గ్రామంలోని శ్రీశ్రీశ్రీ పబ్బతి ఆంజనేయ స్వామి దేవాలయం వద్ద శ్రీ గణేష్ నవరాత్రి ఉత్సవాలను భక్తిశ్రద్ధలతో నిర్వహిస్తున్నారు. ఉత్సవాల్లో భాగంగా గణనాథునికి ప్రత్యేక పూజలు, అభిషేకాలు నిర్వహించి భక్తులు స్వామివారిని దర్శించుకుని తీర్థప్రసాదాలు స్వీకరిస్తున్నారు.
ఈ సందర్భంగా గ్రామ 3వ వార్డు సభ్యులు జక్కుల అంజనేయులు, సుష్మ దంపతులు ఆధ్వర్యంలో ప్రత్యేక పూజా కార్యక్రమాలు నిర్వహించారు. గణపతి ఆశీస్సులతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని వారు ఆకాంక్షించారు.
ఈ కార్యక్రమంలో గ్రామ ప్రజలు, భక్తులు పెద్ద సంఖ్యలో పాల్గొని గణనాథుని ఆశీస్సులు పొందారు. నవరాత్రి ఉత్సవాలు భక్తిశ్రద్ధలతో కొనసాగుతున్నాయని నిర్వాహకులు తెలిపారు.
