నవపక్షం, రాజమండ్రి ప్రతినిధి :
80వ స్వాతంత్ర్య దినోత్సవాన్ని పురస్కరించుకుని రాజమండ్రి నగరంలోని పలు ప్రాంతాల్లో నిర్వహించిన స్వాతంత్ర్య దినోత్సవ వేడుకల్లో ది జాతీయ వినియోగదారుల హక్కుల కమిషన్ ఆంధ్రప్రదేశ్ రాష్ట్ర జాయింట్ సెక్రటరీ KSN మల్లీశ్వరి పాల్గొన్నారు.
ఈ సందర్భంగా పలు పాఠశాలలు, పోలీస్ స్టేషన్‌తో పాటు ఇతర ప్రాంతాల్లో నిర్వహించిన స్వాతంత్ర్య దినోత్సవ కార్యక్రమాలకు ఆమె హాజరై జాతీయ జెండాకు గౌరవ వందనం చేశారు. దేశ స్వాతంత్ర్యం కోసం ప్రాణత్యాగం చేసిన స్వాతంత్ర్య సమరయోధుల సేవలను స్మరించుకుని వారికి ఘన నివాళులు అర్పించారు.
విద్యార్థులను ఉద్దేశించి మాట్లాడుతూ, స్వాతంత్ర్య సమరయోధుల త్యాగాలను స్ఫూర్తిగా తీసుకుని క్రమశిక్షణ, దేశభక్తి, సామాజిక బాధ్యతతో ముందుకు సాగాలని పిలుపునిచ్చారు. విద్యార్థులు తమ హక్కులు, బాధ్యతలపై అవగాహన పెంపొందించుకోవాలని సూచించారు.
ప్రజలు తమ హక్కులను తెలుసుకోవడంతో పాటు ఇతరుల హక్కులను గౌరవించాలని, వినియోగదారుల హక్కుల పరిరక్షణపై ప్రతి ఒక్కరిలో అవగాహన పెరగాల్సిన అవసరం ఉందని KSN మల్లీశ్వరి పేర్కొన్నారు. ప్రజలకు ఎదురయ్యే సమస్యలపై చట్టపరమైన అవగాహన కల్పిస్తూ, వినియోగదారుల హక్కుల పరిరక్షణ కోసం సంస్థ తరఫున మరింత విస్తృతంగా కార్యక్రమాలు నిర్వహించేందుకు కృషి చేస్తామని తెలిపారు.
పోలీస్ స్టేషన్‌లో జరిగిన కార్యక్రమంలో పోలీసు సిబ్బందితో కలిసి స్వాతంత్ర్య దినోత్సవ వేడుకల్లో పాల్గొని, దేశ భద్రత, శాంతిభద్రతల పరిరక్షణలో పోలీసుల సేవలను అభినందించారు. దేశ సమగ్రత, ఐక్యతను కాపాడేందుకు ప్రతి ఒక్కరూ తమ వంతు బాధ్యతను నిర్వర్తించాలని పిలుపునిచ్చారు.
ఈ సందర్భంగా పాఠశాల విద్యార్థులు, ఉపాధ్యాయులు, పోలీసు సిబ్బంది, వివిధ శాఖల ప్రతినిధులు, స్థానిక ప్రజలకు స్వాతంత్ర్య దినోత్సవ శుభాకాంక్షలు తెలిపారు.
దేశ స్వాతంత్ర్య స్ఫూర్తిని ప్రజల్లో మరింతగా పెంపొందిస్తూ, వినియోగదారుల హక్కులు, మానవ హక్కులు, సామాజిక బాధ్యతలపై అవగాహన కల్పించేందుకు నిరంతరం కృషి చేస్తామని KSN మల్లీశ్వరి తెలిపారు.
