నవపక్షం, దమ్మపేట మండల ప్రతినిధి :
దమ్మపేట మండలంలో టీజీటీడబ్ల్యుఆర్డీసీ బాలికల కళాశాల మరియు అంకంపాలెం బాలికల కళాశాలలో అశ్వారావుపేట నియోజకవర్గ ఎమ్మెల్యే జారె ఆదినారాయణ సహకారంతో ఏర్పాటు చేసిన ఆర్ఓ ప్లాంట్ను ప్రారంభించారు. 1000 రోజుల ప్రజా పాలన వేడుకల్లో భాగంగా ఈ కార్యక్రమాన్ని నిర్వహించారు ఈ సందర్భంగా విద్యార్థినులతో కలిసి కేక్ కట్ చేసి ప్రజా పాలన వేడుకలను ఘనంగా నిర్వహించారు. అనంతరం విద్యార్థినులతో ముచ్చటించి వారి సమస్యలు అవసరాలను తెలుసుకున్నారు. విద్యార్థినులకు అవసరమైన సామగ్రిని అందజేసి వారితో కలిసి భోజనం చేశారు
ఈ కార్యక్రమానికి అంకంపాలెం సర్పంచ్ మోకాళ్ళ గురుమూర్తి. భద్రాద్రి కొత్తగూడెం జిల్లా కార్యదర్శి వి వెంకటరావు హాజరయ్యారు.
రాష్ట్ర స్థాయి యూనివర్సిటీ స్థాయి క్రీడా పోటీల్లో పతకాలు సాధించిన విద్యార్థినులను ఎమ్మెల్యే అభినందించారు క్రీడల్లో ప్రతిభ కనబరిచిన విద్యార్థినులకు ఉన్నత స్థాయిలో ప్రతిభ కనబర్చడానికి ఆర్థిక సహాయం అందిస్తామని హామీ ఇచ్చారు కళాశాలలో అదనపు తరగతి గదులను కొద్ది రోజుల్లోనే ఏర్పాటు చేయిస్తామని హామీ ఇచ్చారు అలాగే కళాశాల విద్యార్థినులు సాధించిన విజయాలను ఉన్నతాధికారుల దృష్టికి తీసుకెళ్లేందుకు జిల్లా స్థాయి కార్యక్రమాన్ని నిర్వహించి ఉన్నతాధికారులను ఆహ్వానించి విద్యార్థినుల ప్రతిభను అభినందించేలా చర్యలు తీసుకుంటామని తెలిపారు.
కళాశాలలో సౌర విద్యుత్ సౌకర్యాన్ని కూడా ఏర్పాటు చేయిస్తామని హామీ ఇచ్చారు సౌర విద్యుత్ సౌకర్యం అందుబాటులోకి రావడంతో పాటు కళాశాల ఆవరణలో కోతుల బెడదను నివారించేందుకు కూడా చర్యలు తీసుకుంటామని తెలిపారు.
