నవపక్షం, హైదరాబాద్:
తెలంగాణ గౌడ సంక్షేమ సంఘం విద్యార్థి విభాగం రాష్ట్ర అధ్యక్షుడిగా ఓయూ విద్యార్థి నేత, జయశంకర్ జిల్లా గోరి కొత్తపల్లి మండలం సుల్తాన్పూర్ గ్రామానికి చెందిన మోటపోతుల రమేష్ గౌడ్ నియమితులయ్యారు. ఈ సందర్భంగా హైదరాబాద్లోని తెలంగాణ గౌడ సంక్షేమ సంఘం కేంద్ర కార్యాలయంలో జరిగిన కార్యక్రమంలో సంఘం వ్యవస్థాపక అధ్యక్షులు గట్టు రామచంద్ర రావు చేతుల మీదుగా రమేష్ గౌడ్ నియామక పత్రాన్ని అందుకున్నారు. నియామక పత్రాన్ని స్వీకరించిన అనంతరం మోటపోతుల రమేష్ గౌడ్ మాట్లాడుతూ, తనపై నమ్మకంతో అప్పగించిన రాష్ట్ర అధ్యక్ష బాధ్యతలను సమర్థవంతంగా నిర్వహిస్తూ గౌడ విద్యార్థులు, యువజనుల అభ్యున్నతి మరియు సంక్షేమం కోసం నిరంతరం కృషి చేస్తానని తెలిపారు. గౌడ విద్యార్థులు, యువత ఎదుర్కొంటున్న సమస్యలను సంబంధిత అధికారుల దృష్టికి తీసుకెళ్లి, వాటి పరిష్కారానికి తన వంతు కృషి చేస్తానని పేర్కొన్నారు.
అలాగే గౌడ విద్యార్థుల కోసం జిల్లాల వారీగా గౌడ హాస్టళ్లు, గ్రంథాలయాల నిర్మాణం, విద్యా మరియు ఉపాధి అవకాశాల కల్పన కోసం కృషి చేస్తానని తెలిపారు. గౌడ విద్యార్థి విభాగాన్ని సామాజికంగా, రాజకీయంగా మరియు ఆర్థికంగా మరింత బలోపేతం చేసి, విద్యార్థులు మరియు యువతకు మెరుగైన అవకాశాలు అందేలా కృషి చేస్తానని రమేష్ గౌడ్ స్పష్టం చేశారు.
తనకు తెలంగాణ గౌడ సంక్షేమ సంఘం రాష్ట్ర విద్యార్థి విభాగం అధ్యక్ష బాధ్యతలు అప్పగించినందుకు సంఘం రాష్ట్ర వ్యవస్థాపక అధ్యక్షులు గట్టు రామచంద్ర రావు, రాష్ట్ర అధ్యక్షులు గుండాల మల్లేష్ గౌడ్, మహబూబాబాద్ జిల్లా అధ్యక్షులు గండి వీరేందర్ గౌడ్లకు రమేష్ గౌడ్ ప్రత్యేక కృతజ్ఞతలు తెలిపారు.
