నవపక్షం, చెంగిచర్ల ప్రతినిధి :
గాంధీనగర్ కాలనీ చెంగిచర్లలో ఉమేశ్ ముదిరాజ్ ఆధ్వర్యంలో వినాయకుడి నిమజ్జన మహోత్సవాన్ని భక్తిశ్రద్ధలతో, అంగరంగ వైభవంగా నిర్వహించారు. కాలనీ ప్రజలు, యువత పెద్ద సంఖ్యలో పాల్గొని వేడుకలను ఉత్సాహభరితంగా నిర్వహించారు.
ఈ మహోత్సవానికి ప్రత్యేక అతిథిగా కొత్త సుశాంత్ గౌడ్ హాజరై వేడుకల్లో పాల్గొన్నారు. ప్రజలతో మమేకమై, యువతను ప్రోత్సహిస్తూ వినాయక నిమజ్జన వేడుకల్లో ఉత్సాహంగా పాల్గొన్నారు.
ఈ సందర్భంగా కొత్త సుశాంత్ గౌడ్ మాట్లాడుతూ గాంధీనగర్ కాలనీ ప్రజల ఐక్యత, యువత చూపుతున్న ఉత్సాహం అభినందనీయమన్నారు. ప్రజల సంతోషమే ప్రథమ కర్తవ్యమని పేర్కొన్నారు. కాలనీ అభివృద్ధికి ప్రజలతో కలిసి ముందుకు సాగాలని ఆకాంక్షించారు.
ప్రజల ఆశీస్సులు, యువత అండదండలతో గాంధీనగర్ కాలనీ అభివృద్ధే లక్ష్యంగా ముందుకు సాగాలని ఆయన పిలుపునిచ్చారు. వినాయక నిమజ్జన వేడుకలు ప్రశాంతంగా, భక్తిశ్రద్ధలతో నిర్వహించడంలో సహకరించిన కాలనీ ప్రజలు, యువతకు ఆయన కృతజ్ఞతలు తెలిపారు.
