దళిత సంఘాల ఐక్యతతో హక్కుల సాధనకు ఉద్యమించాలి

నవపక్షం, నల్లబెల్లి ప్రతినిధి: 

దళితులకు భారత రాజ్యాంగం కల్పించిన హక్కుల సాధన కోసం, సమాజ మార్పు కోసం ప్రశ్నించే అణగారిన గొంతులన్నీ ఏకమై దళిత జాతుల అభివృద్ధికి కృషి చేయాలని దళిత మేధా శక్తి వ్యవస్థాపక ఆవిర్భావ సభ్యులు కొయ్యడ కుమారస్వామి, బోట్ల దయాకర్ అన్నారు.

దళిత సంఘాల ఐక్యతతో దళిత సమాజంలో చైతన్యం, ఆత్మవిశ్వాసం, మనోధైర్యం పెరుగుతాయని వారు పేర్కొన్నారు. దళితుల్లో ఉన్న చిన్నచిన్న విభేదాలను పక్కనపెట్టి దళితుల ఐక్యత, హక్కులు, రాజ్యాధికారం కోసం సమష్టిగా ఉద్యమించాలని పిలుపునిచ్చారు.

దస్తగిరిపల్లి గ్రామ కమిటీ ఏకగ్రీవ ఎన్నిక

అనంతరం దళిత మేధా శక్తి దస్తగిరిపల్లి గ్రామ కమిటీని ఏకగ్రీవంగా ఎన్నుకున్నారు.

గ్రామ అధ్యక్షులు: సంగి సురేష్
ప్రధాన కార్యదర్శి: కుమ్మరి సంపత్
అధికార ప్రతినిధి: సంగి నర్సయ్య
ఉపాధ్యక్షులు: పెంబర్తి సదయ్య
సహాయ కార్యదర్శి: సంగి ప్రశాంత్
కోశాధికారి: రుద్రారపు వినోద్

కమిటీ సభ్యులు:

1. సంగి పెద్ద మొగిలి
2. రేణుకుంట్ల ప్రశాంత్
3. లడ్డునూరి రాజయ్య

ఈ సమావేశంలో దళిత మేధా శక్తి మండల నాయకుడు పెంబర్తి విష్ణు తదితరులు పాల్గొన్నారు.