నవపక్షం, వనపర్తి జిల్లా ప్రతినిధి :
వనపర్తి మండలం చిన్నగుంటపల్లి గ్రామానికి చెందిన ఉమాశ్రీ డీఎస్పీగా ఉద్యోగం సాధించి, శిక్షణ పూర్తి చేసిన సందర్భంగా తెలంగాణ రాష్ట్ర ఏఐపీసీ అధ్యక్షులు, వనపర్తి నియోజకవర్గ యువ నాయకులు డాక్టర్ జిల్లెల ఆదిత్య రెడ్డి ఆమెను శాలువాతో సన్మానించి హృదయపూర్వక శుభాకాంక్షలు తెలిపారు.
ఈ సందర్భంగా డాక్టర్ జిల్లెల ఆదిత్య రెడ్డి మాట్లాడుతూ, సమాజంలో శాంతిభద్రతల పరిరక్షణలో పోలీసు శాఖ కీలక పాత్ర పోషిస్తుందని పేర్కొన్నారు. పోలీసు అధికారులు అంకితభావం, క్రమశిక్షణ, నిబద్ధతతో విధులు నిర్వహిస్తూ ప్రజలకు మెరుగైన సేవలు అందించాలని అన్నారు. ప్రజలకు న్యాయం అందించడంలో పోలీసు అధికారుల బాధ్యత ఎంతో ముఖ్యమని తెలిపారు.
మహిళలు అన్ని రంగాల్లో రాణిస్తూ ఉన్నత పదవులను సాధించడం గర్వకారణమని, ఉమాశ్రీ డీఎస్పీగా ఎదగడం యువతకు స్ఫూర్తిదాయకమని పేర్కొన్నారు. ప్రజలకు అందుబాటులో ఉంటూ వారి సమస్యల పరిష్కారానికి కృషి చేయాలని, భవిష్యత్తులో మరింత ఉన్నత స్థాయికి ఎదుగుతూ ప్రజల మన్ననలు పొందాలని ఆకాంక్షించారు.
ప్రజాసేవకు అంకితమై పనిచేసే అధికారులను ప్రోత్సహించడం ప్రతి ఒక్కరి బాధ్యత అని తెలిపారు. ఈ సందర్భంగా డీఎస్పీ ఉమాశ్రీకి మరోసారి అభినందనలు తెలియజేశారు.
ఈ కార్యక్రమంలో టీపీసీసీ ప్రధాన కార్యదర్శి నందిమల్ల యాదయ్య, వనపర్తి జిల్లా సోషల్ మీడియా కోఆర్డినేటర్ దేవన్న యాదవ్, వనపర్తి జిల్లా ఏఐపీసీ అధ్యక్షులు నాగార్జున, వనపర్తి జిల్లా ఎన్‌ఎస్‌యూఐ నాయకులు ఎత్తం చరణ్ రాజ్, సీనియర్ నాయకులు కర్ణాకర్ రెడ్డి, నందిమల్ల రాము, ఎంట్ల రవి, పెద్దమందడి సోషల్ మీడియా కోఆర్డినేటర్ గట్టు రాజు తదితరులు పాల్గొన్నారు.
