నవపక్షం, హైదరాబాద్ బ్యూరో :
ప్రపంచ జల పర్యవేక్షణ దినోత్సవం సందర్భంగా ప్రతి పౌరుడు తన పరిసరాల్లోని నదులు, చెరువులు, సరస్సులు, వాగులు, భూగర్భ జలాల నాణ్యతను పరిశీలించాలని మధుబాబు చికిలే, స్కిలోక్రాట్, జాతీయ డైరెక్టర్, ప్రపంచ మానవ హక్కుల సమితి పిలుపునిచ్చారు.
నీటి కాలుష్యం వల్ల సూక్ష్మజీవులు, రసాయనాలు, భారీ లోహాలు వంటి ప్రమాదకర పదార్థాలు ఆరోగ్యంపై ప్రభావం చూపే అవకాశం ఉందని తెలిపారు. అందువల్ల pH, కరిగిన ఆక్సిజన్ (DO), ఉష్ణోగ్రత, TDS, టర్బిడిటీ వంటి ప్రాథమిక ప్రమాణాలను క్రమం తప్పకుండా పరీక్షించడం అవసరమన్నారు.
విద్యార్థులు, ఉపాధ్యాయులు, రైతులు, స్వచ్ఛంద సంస్థలు, సాధారణ పౌరులు “సిటిజెన్ సైంటిస్ట్స్” గా భాగస్వాములై స్థానిక నీటి వనరులపై డేటా సేకరించాలని సూచించారు. ఒకసారి పరీక్షించడం కంటే, అదే ప్రదేశంలో క్రమం తప్పకుండా పరీక్షలు నిర్వహించడం ద్వారా నీటి నాణ్యతలో వచ్చే మార్పులను గుర్తించవచ్చన్నారు.
“ప్రతి నీటి బొట్టు విలువైనది – ప్రతి పౌరుడు జల సంరక్షకుడే.” అని మధుబాబు చికిలే పేర్కొన్నారు.
