గాంధీజీ ఆశయాలను ప్రతి ఒక్కరూ ఆచరించాలి – తహసీల్దార్ జయ జయ రావు

నవపక్షం, కోట ప్రతినిధి:

కోట మండల తహసీల్దార్ కార్యాలయంలో శుక్రవారం మహాత్మా గాంధీజీ జయంతి వేడుకలను ఘనంగా నిర్వహించారు.తహసీల్దార్ జయ జయ రావు ఆధ్వర్యంలో నిర్వహించిన ఈ కార్యక్రమంలో కార్యాలయ సిబ్బంది,గ్రామ రెవెన్యూ అధికారులు పాల్గొన్నారు.తొలుత గాంధీజీ చిత్రపటానికి పూలమాలలు వేసి ఘనంగా నివాళులర్పించారు.
ఈ సందర్భంగా తహసీల్దార్ జయ జయ రావు మాట్లాడుతూ మహాత్మా గాంధీజీ చూపిన సత్యం,అహింస,శాంతి మార్గాలు ప్రతి ఒక్కరికీ ఆదర్శప్రాయమని పేర్కొన్నారు.గాంధీజీ ఆశయాలను స్ఫూర్తిగా తీసుకొని ప్రజలకు నిబద్ధతతో సేవలందించాలని సిబ్బందికి సూచించారు.ప్రభుత్వ కార్యాలయాలకు వచ్చే ప్రజల సమస్యలను సానుకూలంగా పరిశీలించి, నిబంధనల ప్రకారం పరిష్కరించేందుకు కృషి చేయాలని అన్నారు.ప్రజలకు పారదర్శకమైన సేవలు అందిస్తూ, విధి నిర్వహణలో బాధ్యతాయుతంగా వ్యవహరించడమే మహాత్మా గాంధీజీకి అందించే నిజమైన నివాళి అని పేర్కొన్నారు.
ఈ కార్యక్రమంలో తహసీల్దార్ కార్యాలయ సిబ్బంది,గ్రామ రెవెన్యూ అధికారులు తదితరులు పాల్గొన్నారు