పంచలింగాల్‌లో బీఆర్ఎస్‌కు యువత భారీ మద్దతు వివిధ పార్టీల నుంచి 80 మంది యువకులు బీఆర్ఎస్‌లో చేరిక

నవపక్షం, మర్పల్లి ప్రతినిధి :

వికారాబాద్ జిల్లా మర్పల్లి మండలం పంచలింగాల్ గ్రామంలో బీఆర్ఎస్ పార్టీ కార్యకర్తల సమావేశం ఉత్సాహభరితంగా జరిగింది. ఈ కార్యక్రమానికి వికారాబాద్ మాజీ ఎమ్మెల్యే డాక్టర్ మెతుకు ఆనంద్ ముఖ్య అతిథిగా హాజరయ్యారు.

ఈ సందర్భంగా డాక్టర్ బి.ఆర్. అంబేద్కర్ విగ్రహానికి పూలమాల వేసి నివాళులర్పించిన అనంతరం బీఆర్ఎస్ పార్టీ జెండాను ఆవిష్కరించారు. అనంతరం నూతన బీఆర్ఎస్ పార్టీ కార్యాలయాన్ని రిబ్బన్ కట్ చేసి ప్రారంభించారు. కార్యకర్తల సమావేశంలో పాల్గొని గ్రామంలోని పార్టీ శ్రేణులకు భవిష్యత్ కార్యాచరణపై దిశానిర్దేశం చేశారు.

ప్రజల కోసం నిరంతరం పోరాడే పార్టీ బీఆర్ఎస్

ఈ సందర్భంగా డాక్టర్ మెతుకు ఆనంద్ మాట్లాడుతూ, ప్రజా సమస్యల పరిష్కారం కోసం నిరంతరం పోరాడే పార్టీ బీఆర్ఎస్ అని అన్నారు. యువతకు అవకాశాలు కల్పించడం, పార్టీ కార్యకర్తలకు గౌరవం ఇవ్వడం, ప్రజలకు అండగా నిలవడం బీఆర్ఎస్ పార్టీ బలమని పేర్కొన్నారు.

గ్రామీణ ప్రాంతాల్లో పార్టీని మరింత బలోపేతం చేసేందుకు కార్యకర్తలు సమన్వయంతో పనిచేయాలని, ప్రజల సమస్యలను ఎప్పటికప్పుడు తెలుసుకుని వాటి పరిష్కారం కోసం పోరాటాలు కొనసాగించాలని సూచించారు.

బీఆర్ఎస్‌లో చేరిన 80 మంది యువకులు

ఈ సందర్భంగా పంచలింగాల్ గ్రామానికి చెందిన 80 మంది యువకులు వివిధ పార్టీల నుంచి బీఆర్ఎస్ పార్టీలో చేరారు. వారికి డాక్టర్ మెతుకు ఆనంద్ పార్టీ కండువాలు కప్పి సాదరంగా పార్టీలోకి ఆహ్వానించారు.

యువత పెద్ద సంఖ్యలో బీఆర్ఎస్‌లో చేరడంతో గ్రామంలో పార్టీ శ్రేణుల్లో నూతన ఉత్సాహం నెలకొంది. యువత బీఆర్ఎస్ వైపు అడుగులు వేయడం ప్రజల్లో మార్పు పట్ల ఉన్న ఆకాంక్షకు సంకేతమని పార్టీ నాయకులు పేర్కొన్నారు. ప్రజల కోసం పోరాడే నాయకత్వం, కార్యకర్తలతో బలమైన అనుబంధమే బీఆర్ఎస్ పార్టీకి ప్రధాన బలమని అన్నారు.

ఈ కార్యక్రమంలో మర్పల్లి మండల బీఆర్ఎస్ పార్టీ మాజీ అధ్యక్షులు నంద్రిగా శ్రీకాంత్ రెడ్డి, బీఆర్ఎస్ సీనియర్ నాయకులు, కార్యకర్తలు, యువజన నాయకులు, పార్టీ శ్రేణులు పెద్ద సంఖ్యలో పాల్గొన్నారు