నవపక్షం, ఆవల్గొన్:
ఆవల్గొన్ గ్రామ పంచాయతీ ఆధ్వర్యంలో 80వ స్వాతంత్ర్య దినోత్సవ వేడుకలను అత్యంత ఘనంగా నిర్వహించారు. గ్రామపంచాయతీ కార్యాలయం వద్ద జాతీయ పతాకాన్ని ఆవిష్కరించి స్వాతంత్ర్య దినోత్సవ వేడుకలను ప్రారంభించారు.
ఈ కార్యక్రమంలో గ్రామ సర్పంచ్ మన్య భాయి, ఉపసర్పంచ్ విజయ్, గ్రామపంచాయతీ పాలకవర్గ సభ్యులు, వివిధ శాఖల అధికారులు, స్థానిక నాయకులు పాల్గొన్నారు.
ఈ సందర్భంగా మాజీ సర్పంచ్, మాజీ ఏఎంసీ చైర్మన్ నాగ్నాథ్ పాటిల్, మాజీ ఎంపీటీసీ సైలు, గ్రామపంచాయతీ కార్యదర్శి సతీష్, పాఠశాల విద్యార్థులు, ఉపాధ్యాయులు, గ్రామ పెద్దలు, ప్రజలు పెద్ద సంఖ్యలో పాల్గొని జాతీయ పతాకానికి వందనం చేశారు.
స్వాతంత్ర్య సమరయోధుల త్యాగాలను స్మరించుకుంటూ దేశ ఐక్యత, సమగ్రత, అభివృద్ధి కోసం ప్రతి ఒక్కరూ తమ వంతు బాధ్యతను నిర్వర్తించాలని ఈ సందర్భంగా పలువురు పిలుపునిచ్చారు.
విద్యార్థులు నిర్వహించిన దేశభక్తి కార్యక్రమాలు, సాంస్కృతిక ప్రదర్శనలు ఆకట్టుకున్నాయి. గ్రామంలో పండుగ వాతావరణంలో జరిగిన స్వాతంత్ర్య దినోత్సవ వేడుకల్లో ప్రజలు ఉత్సాహంగా పాల్గొన్నారు.
