తేదీ 01/09/2026
గోరి కొత్తపల్లిమండలం:
ఎల్నినో ప్రభావాన్ని ఎదుర్కొనేందుకు ప్రత్యామ్నాయ పంటలపై సుల్తాన్పూర్ రైతు వేదికలో అవగాహన సదస్సు : అగ్రికల్చర్ వ్యవసాయ అధికారి జి సారయ్య
గోరి కొత్తపల్లి సెప్టెంబర్ 1:(న్యూస్ 10)
ఎల్నినో ప్రభావంతో వాతావరణ పరిస్థితుల్లో మార్పులు చోటుచేసుకునే అవకాశం ఉన్న నేపథ్యంలో రైతులు ప్రత్యామ్నాయ పంటల సాగుపై దృష్టి సారించాలని అధికారులు సూచించారు. ఆత్మ (ATMA) పథకం ఆధ్వర్యంలో సుల్తాన్పూర్ రైతు వేదికలో రైతులకు ప్రత్యామ్నాయ పంటల సాగుపై అవగాహన సదస్సు నిర్వహించారు.
ఈ సందర్భంగా జిల్లా ఉద్యాన అధికారి తిరుపతి రైతులకు ఉద్యాన పంటల సాగుపై అవగాహన కల్పించారు. ప్రస్తుత వాతావరణ పరిస్థితులకు అనుగుణంగా రైతులు పంటల వైవిధ్యీకరణ చేపట్టాలని సూచించారు. ముఖ్యంగా ఉద్యాన పంటలు, కూరగాయల సాగుతో పాటు ఆయిల్పామ్ పంటల సాగు ద్వారా రైతులు అదనపు ఆదాయం పొందే అవకాశాలపై వివరించారు.
కొత్తపల్లి గోరి వ్యవసాయ అధికారి జి సారయ్య మాట్లాడుతూ ప్రస్తుతం వరి మరియు పత్తి పంటలో చేపట్టవలసిన యాజమాన్య చర్యలు మరియు ముందస్తు వేసంగిలో పెసరు మినుము మరియు మొక్కజొన్న పంటలపై దృష్టి సారించాలని తెలిపారు
ఉద్యాన పంటలు, కూరగాయల సాగులో ఆధునిక సాంకేతిక పద్ధతులను పాటించడం ద్వారా అధిక దిగుబడులు సాధించవచ్చని తెలిపారు. నేల స్వభావం, నీటి లభ్యత, వాతావరణ పరిస్థితులను దృష్టిలో ఉంచుకుని పంటలను ఎంపిక చేసుకోవాలని రైతులకు సూచించారు. తక్కువ నీటి వినియోగంతో సాగు చేయగల ప్రత్యామ్నాయ పంటలపై ప్రత్యేకంగా వివరించారు.
అలాగే ఆయిల్పామ్ సాగు వల్ల కలిగే ప్రయోజనాలు, సాగు విధానం, మొక్కల ఎంపిక, నిర్వహణ పద్ధతులు, దిగుబడి తదితర అంశాలను రైతులకు వివరించారు. ఆయిల్పామ్ సాగును ప్రోత్సహించేందుకు ప్రభుత్వం అందిస్తున్న వివిధ ప్రోత్సాహకాలు, సబ్సిడీలు, ఇతర ప్రభుత్వ పథకాల గురించి కూడా రైతులకు అవగాహన కల్పించారు.
రైతులు ప్రభుత్వ పథకాలను సద్వినియోగం చేసుకుని ప్రత్యామ్నాయ పంటల సాగు వైపు అడుగులు వేయాలని
అధికారులు కోరారు. వాతావరణ మార్పుల నేపథ్యంలో పంటల ఎంపికలో ముందస్తు జాగ్రత్తలు తీసుకోవడం ద్వారా నష్టాలను తగ్గించుకోవచ్చని తెలిపారు.
ఈ కార్యక్రమంలో గ్రామ సర్పంచ్ కాడవేన సరిత యుగంధర్, ఆత్మా BTT మెంబర్ చిగురుమామిడి రజిత ఏఈఓ వి.దివ్య మరియు చిన్నకోడెపాక ఏ ఈ ఓ ప్రశాంత్,హెచ్ ఈ ఓ సురేష్ వెంకటేశ్వర్ల పల్లి సుల్తాన్పూర్ జగ్గయ్యపేట రైతులు బానోత్ మొగిలి పనాస రాంబాబు లక్కం రామస్వామి లక్కం తిరుపతి కేశవేనా సాంబయ్య గజ్జల్లి జలంధర్ దైనపల్లి వెంకటేశ్వర్లు చిగురుమామిడి రాజు పాల్గొనడం జరిగింది
