నవపక్షం, నాంపల్లి, సెప్టెంబర్ 17:
నాంపల్లి మండలంలోని మల్లపురాజుపల్లి గ్రామంలో శ్రీరామ్ యూత్ ఆధ్వర్యంలో ఏర్పాటు చేసిన గణపతి వద్ద గణేష్ నవరాత్రి ఉత్సవాలు భక్తిశ్రద్ధలతో కొనసాగుతున్నాయి.
ఉత్సవాల్లో భాగంగా అరెగంటి నరసింహ–అంజమ్మ దంపతులు, జగన్ గౌడ్–శిరీష దంపతులు గణపతి స్వామివారికి ప్రత్యేక పూజలు నిర్వహించారు. ఈ సందర్భంగా గణనాథుడికి అభిషేకం, ప్రత్యేక పూజా కార్యక్రమాలు నిర్వహించారు. అనంతరం భక్తులు స్వామివారిని దర్శించుకుని తీర్థప్రసాదాలు స్వీకరించారు.
గణేష్ నవరాత్రి ఉత్సవాలను గ్రామ ప్రజలు, యువత భక్తిశ్రద్ధలతో నిర్వహిస్తూ గ్రామంలో ఆధ్యాత్మిక వాతావరణాన్ని నెలకొల్పుతున్నారు. ఉత్సవాల సందర్భంగా ప్రతిరోజూ ప్రత్యేక పూజా కార్యక్రమాలు నిర్వహిస్తున్నట్లు శ్రీరామ్ యూత్ నిర్వాహకులు తెలిపారు.
