నవపక్షం, భీమవరం ప్రతినిధి :
సౌర విద్యుత్ రంగంలో విస్తరిస్తున్న ఎల్విన్ ఎనర్జీ సోలార్ సంస్థలో రీజినల్ మేనేజర్ పోస్టులకు నియామకాలు చేపడుతున్నట్లు సంస్థ ప్రతినిధి రవి ప్రకాష్ తెలిపారు. సంస్థ కార్యకలాపాల విస్తరణలో భాగంగా భీమవరం, మచిలీపట్నం పార్లమెంట్ నియోజకవర్గాల పరిధిలో ఈ నియామకాలు చేపడుతున్నట్లు ఆయన వెల్లడించారు.
సోలార్ విద్యుత్ వినియోగాన్ని ప్రోత్సహించడంతో పాటు అర్హత కలిగిన గృహాలకు ప్రధాన మంత్రి సూర్య ఘర్ పథకం ద్వారా సౌర విద్యుత్ సదుపాయాలను చేరువ చేయడంలో భాగంగా సంస్థ కార్యకలాపాలు కొనసాగుతున్నాయని రవి ప్రకాష్ తెలిపారు. ఎంపికయ్యే రీజినల్ మేనేజర్లు తమకు కేటాయించిన ప్రాంతాల్లో సోలార్ బిజినెస్ కార్యకలాపాలను పర్యవేక్షించడం, నిర్దేశిత లక్ష్యాలను సాధించడం, వినియోగదారులకు సౌర విద్యుత్‌పై అవగాహన కల్పించడం, సంబంధిత కార్యకలాపాలను సమన్వయం చేయడం వంటి బాధ్యతలను నిర్వహించాల్సి ఉంటుందని పేర్కొన్నారు.
ఈ ఉద్యోగాలకు ఏదైనా డిగ్రీ విద్యార్హత కలిగి, 30 సంవత్సరాలు పైబడిన పురుషులు, మహిళలు దరఖాస్తు చేసుకోవచ్చని తెలిపారు. అభ్యర్థుల అనుభవం, అర్హతలను బట్టి వేతనం నిర్ణయించనున్నట్లు వెల్లడించారు. సోలార్ రంగంలో ఆసక్తి ఉన్నవారు, ఉద్యోగ అవకాశాల కోసం ఎదురుచూస్తున్న అర్హులైన అభ్యర్థులు ఈ అవకాశాన్ని సద్వినియోగం చేసుకోవాలని ఆయన కోరారు.
ఆసక్తి గల అర్హులైన అభ్యర్థులు మరిన్ని వివరాల కోసం 8019561188 నంబర్‌లో సంప్రదించగలరని కంపెనీ ప్రతినిధి రవి ప్రకాష్ తెలిపారు.
