నవపక్షం, జుక్కల్ ప్రతినిధి :
కామారెడ్డి జిల్లా, జుక్కల్ మండలం, బంగార్పల్లి గ్రామం ఎస్సీ కాలనీలో చిన్న పిల్లలు ఆత్మీయతతో, ఐక్యతతో వినాయక చవితి వేడుకలను అత్యంత ఉత్సాహంగా నిర్వహించారు. ఇక్కడ బంగార్పల్లి ఎస్సీ కాలనీలో చిన్న పిల్లలు మొదటిసారిగా తమ సొంతంగా పర్యావరణానికి ఎంతో మేలు చేసే మట్టి వినాయక ప్రతిమను ప్రతిష్టించి ఉత్సవాలను ఘనంగా జరుపుకున్నారు.
ఈ వేడుకల్లో పాల్గొని మట్టి గణపతిని ప్రతిష్టించిన చిన్న పిల్లలు ప్రశాంత్, చరణ్, కృష్ణ, సంజన, లక్కీ, జ్ఞానేశ్వర్, సాత్విక్ తదితరులు ఎంతో ఉత్సాహంగా పాల్గొన్నారు.
పెద్దవాల్ని చూసి పిల్లలు నేర్చుకోవాలి అనేది ఇక్కడ నిజం అయింది. ఎవరో పెద్దవాళ్ళ సహాయం లేకుండా, ఈ చిన్న పిల్లలు అందరూ కలిసి స్వయంగా మట్టి వినాయక విగ్రహాన్ని ప్రతిష్టించి, పూజ కార్యక్రమాలు భక్తి శ్రద్ధలతో చేశారు.
అందమైన రంగవల్లి కొలువు తీరిన మట్టి వినాయకుడి ముందు పిల్లలు వేసిన రంగవల్లి (ముగ్గులు) మాత్రం చాలా ఆకర్షణీయంగా ఉంది, అందరి దృష్టిని ఆకర్షిస్తోంది.
ఐక్యతా భావం ఇంత చిన్న వయసులోనే పిల్లలలో ఉన్న ఈ ఐక్యత, స్నేహం, భక్తి భావం చూస్తుంటే అందరికీ ఎన్నో తెలియజేస్తుంది. వీళ్ళ ఉత్సాహన్ని గ్రామస్థులు, స్థానిక ప్రజలు చాలా అభినందిస్తున్నారు.
ఈ చిన్న పిల్లల పర్యావరణ హిత ప్రయత్నం ఇప్పుడు ఆలస్యంగా వెలుగులోకి వచ్చి, అందరి మనసుల్ని గెలుచుకుంటుంది.
