నవపక్షం, కొమురం భీం ఆసిఫాబాద్ జిల్లా ప్రతినిధి :
కొమురం భీం ఆసిఫాబాద్ జిల్లా కాగజ్నగర్ మండలంలోని చింతగూడ గ్రామానికి చెందిన దుర్గం లింగయ్య–రేణుక దంపతుల కుమారుడు మణిదీప్ నామకరణం, జన్మదిన వేడుకలు కాగజ్నగర్ పట్టణంలోని వినయ్ గార్డెన్లో కుటుంబ సభ్యులు, బంధువులు, సన్నిహితుల సమక్షంలో నిర్వహించారు. నామకరణ కార్యక్రమంతో పాటు జన్మదిన వేడుకలను నిర్వహించడంతో కుటుంబ సభ్యులు, బంధువుల్లో సందడి నెలకొంది. ఈ కార్యక్రమానికి టీఆర్ నైన్ టీవీ కొమురం భీం ఆసిఫాబాద్ జిల్లా స్టాఫ్ రిపోర్టర్ డోంగ్రీ రవీందర్, కేవీపీఎస్ జిల్లా ఉపాధ్యక్షులు మస్కె నగేష్, విజ్ఞాన దర్శిని జిల్లా అధ్యక్షులు రమేష్ హాజరయ్యారు. ఈ సందర్భంగా చిన్నారి మణిదీప్కు జన్మదిన శుభాకాంక్షలు తెలిపి, నామకరణ వేడుకల్లో పాల్గొని . డాక్టర్ బీఆర్ అంబేద్కర్ చిత్రపటాన్ని చిన్నారి మణిదీప్కు అందజేశారు. చిన్నారి ఆరోగ్యంగా ఎదిగి, భవిష్యత్తులో ఉన్నత స్థాయికి చేరుకోవాలని వారు ఆకాంక్షించారు. రేణుక సిర్పూర్ మండల కేంద్రంలోని కాగజ్ నగర్ తెలంగాణ సాంఘిక సంక్షేమ బాలికల పాఠశాల, కళాశాలలో జూనియర్ లెక్చరర్గా తెలుగు అధ్యాపకురాలిగా విధులు నిర్వహిస్తున్నారు. విద్యార్థులకు తెలుగు పాఠ్యాంశాలను బోధిస్తూ తన వృత్తి బాధ్యతలను కొనసాగిస్తున్నారు. రేణుక–లింగయ్య దంపతుల కుమారుడి నామకరణం, జన్మదిన వేడుకలకు కుటుంబ సభ్యులతో పాటు బంధువులు, స్నేహితులు, సన్నిహితులు హాజరై మణిదీప్కు శుభాకాంక్షలు తెలిపారు.
