నవపక్షం, నాంపల్లి ప్రతినిధి :
నాంపల్లి: మండలంలోని సుంకిశాల గ్రామంలో ఎండిపోయిన వరి పంట పొలాలను వ్యవసాయ విస్తరణ అధికారి రాధిక సందర్శించి పరిశీలించారు. పంట నష్టానికి సంబంధించిన వివరాలను నమోదు చేసి, క్షేత్రస్థాయి ఫొటోలను ఆన్‌లైన్‌లో అప్‌లోడ్ చేశారు.
ఈ సందర్భంగా అధికారి రాధిక మాట్లాడుతూ.. ఇంకా ఎక్కడైనా వరి పంటలు ఎండిపోయి నష్టం వాటిల్లినట్లయితే రైతులు వెంటనే వ్యవసాయ శాఖ అధికారులకు సమాచారం అందించి పంట నష్ట వివరాలను నమోదు చేయించుకోవాలని సూచించారు.
అలాగే ఎల్‌నినో ప్రభావం నేపథ్యంలో రాబోయే యాసంగి సీజన్‌లో వరి పంటకు బదులుగా ప్రత్యామ్నాయంగా ఆరుతడి పంటలను సాగు చేయాలని రైతులకు సూచించారు.
ఈ కార్యక్రమంలో సుంకిశాల గ్రామ సర్పంచ్ కలకొండ దుర్గయ్య, రైతులు శేఖర్, అంజయ్య పాల్గొన్నారు.
