నవపక్షం, హైదరాబాద్:
నేషనల్ స్టూడెంట్స్ యూనియన్ ఆఫ్ ఇండియా (NSUI) రాష్ట్ర కార్యదర్శిగా ఎండీ సన నియమితులయ్యారు. తనపై నమ్మకం ఉంచి రాష్ట్ర స్థాయి బాధ్యతలను అప్పగించినందుకు NSUI రాష్ట్ర అధ్యక్షులు వెంకటస్వామి కి ఎండీ సన ప్రత్యేక కృతజ్ఞతలు తెలిపారు.
తన నియామక ప్రక్రియలో ప్రోత్సాహం అందించి, సహకరించిన TPCC వర్కింగ్ ప్రెసిడెంట్ జగ్గారెడ్డి, సీనియర్ నాయకులు హరికృష్ణ, మీసం నాగరాజ్ యాదవ్ లకు ఎండీ సన ప్రత్యేకంగా కృతజ్ఞతలు తెలిపారు.
తనకు అప్పగించిన రాష్ట్ర కార్యదర్శి బాధ్యతలను పూర్తి నిబద్ధతతో, పారదర్శకతతో మరియు బాధ్యతాయుతంగా నిర్వహిస్తానని ఎండీ సన పేర్కొన్నారు. విద్యార్థుల సమస్యలను సంబంధిత వేదికలపై సమర్థవంతంగా ప్రస్తావిస్తూ, విద్యార్థుల హక్కులు, సంక్షేమం మరియు భవిష్యత్తు కోసం నిరంతరం కృషి చేస్తానని తెలిపారు.
NSUI సంస్థ సిద్ధాంతాలు, రాజ్యాంగ విలువలు మరియు ప్రజాస్వామ్య స్ఫూర్తికి అనుగుణంగా విద్యార్థి సమాజానికి సేవ చేయడమే తన ప్రధాన లక్ష్యమని ఆయన స్పష్టం చేశారు.
తన నియామకానికి ప్రత్యక్షంగా, పరోక్షంగా సహకరించిన ప్రతి నాయకుడు, కార్యకర్త, విద్యార్థి మిత్రుడికి ఎండీ సన ఈ సందర్భంగా హృదయపూర్వక ధన్యవాదాలు తెలిపారు
