నవపక్షం, మునుగోడు ప్రతినిధి :
మునుగోడు మండలంలోని కొంపల్లి గ్రామంలో కొంపల్లి యువసేన ఆధ్వర్యంలో ఏర్పాటు చేసిన యువసేన యూత్ గణపతి వద్ద గణేష్ నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా వీరమళ్ల వెంకటయ్య–లక్ష్మి దంపతులు, నాగరాజు–స్వాతి దంపతులు గణపతి స్వామివారికి ప్రత్యేక పూజలు నిర్వహించారు. ఈ సందర్భంగా గణనాథుడికి అభిషేకం, పూజా కార్యక్రమాలు నిర్వహించి, భక్తులు స్వామివారిని దర్శించుకుని తీర్థప్రసాదాలు స్వీకరించారు. గణేష్ నవరాత్రి ఉత్సవాలను గ్రామ ప్రజలు, యువత భక్తిశ్రద్ధలతో నిర్వహిస్తూ ఆధ్యాత్మిక వాతావరణాన్ని నెలకొల్పుతున్నారు. ఉత్సవాల సందర్భంగా ప్రతిరోజూ ప్రత్యేక పూజా కార్యక్రమాలు నిర్వహిస్తున్నట్లు నిర్వాహకులు తెలిపారు.
