నవపక్షం, కోట ప్రతినిధి :
కోట మండలం గూడలి గ్రామంలో మహాత్మా గాంధీజీ జయంతి వేడుకలను ఘనంగా నిర్వహించారు. స్థానిక తెలుగుదేశం పార్టీ నాయకులు పల్లె మల్లు వెంకట కృష్ణారెడ్డి ఆధ్వర్యంలో గాంధీజీ విగ్రహం వద్ద జరిగిన కార్యక్రమంలో ఆయన విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా పల్లె మల్లు వెంకట కృష్ణారెడ్డి మాట్లాడుతూ, మహాత్మా గాంధీజీ సత్యం, అహింసా మార్గాలను అనుసరిస్తూ భారత స్వాతంత్ర్య పోరాటంలో కీలక పాత్ర పోషించారని పేర్కొన్నారు.దండి యాత్ర,సహాయ నిరాకరణ ఉద్యమం వంటి కార్యక్రమాల ద్వారా దేశ ప్రజల్లో స్వాతంత్ర్య స్ఫూర్తిని నింపారని గుర్తుచేశారు. గాంధీజీ చూపిన సత్యం, అహింస,సమానత్వం, సేవాభావం నేటి సమాజానికి ఎంతో అవసరమని అన్నారు. ఆయన ఆశయాలను ప్రతి ఒక్కరూ ఆచరణలో పెట్టాలని, యువత మహాత్ముడి జీవితాన్ని ఆదర్శంగా తీసుకుని సమాజ అభివృద్ధికి కృషి చేయాలని పిలుపునిచ్చారు.ఈ కార్యక్రమంలో స్థానిక తెలుగుదేశం పార్టీ నాయకులు, కార్యకర్తలు,గ్రామస్తులు పాల్గొని మహాత్మా గాంధీజీకి ఘనంగా నివాళులర్పించారు
