నవపక్షం, మద్నూర్, ఆగస్టు 15:
భారతదేశ 80వ స్వాతంత్ర్య దినోత్సవ వేడుకలు మద్నూర్ మండల కేంద్రంలో ఘనంగా నిర్వహించారు. ఇందులో భాగంగా స్థానిక అగ్నిమాపక కేంద్రంలో స్వాతంత్ర్య వేడుకలను ఉత్సాహంగా నిర్వహించారు.
అగ్నిమాపక కేంద్రం ఆవరణలో సిబ్బంది సమక్షంలో జాతీయ జెండాను ఆవిష్కరించి, త్రివర్ణ పతాకానికి ఘనంగా గౌరవ వందనం సమర్పించారు. అనంతరం దేశ స్వాతంత్ర్యం కోసం ప్రాణాలర్పించిన అమరవీరులను స్మరించుకున్నారు.
ఈ సందర్భంగా ఫైర్ స్టేషన్ అధికారి మాట్లాడుతూ.. దేశ రక్షణ కోసం ప్రాణత్యాగం చేసిన అమరవీరుల త్యాగాలను స్మరించుకోవడం ప్రతి ఒక్కరి బాధ్యత అన్నారు. ప్రజల ప్రాణాలు, ఆస్తులను కాపాడడంలో అగ్నిమాపక సిబ్బంది ఎల్లప్పుడూ ముందుంటారని తెలిపారు.
దేశభక్తి భావంతో విధులను నిర్వర్తిస్తూ ప్రజలకు నిరంతరం సేవలందించాలని సిబ్బందికి పిలుపునిచ్చారు. ప్రజల భద్రతకు అగ్నిమాపక శాఖ అందిస్తున్న సేవలను మరింత సమర్థవంతంగా కొనసాగిస్తామని పేర్కొన్నారు.
ఈ కార్యక్రమంలో అగ్నిమాపక కేంద్ర సిబ్బంది ఉత్సాహంగా పాల్గొని స్వాతంత్ర్య దినోత్సవ వేడుకలను ఘనంగా నిర్వహించారు.
