కాంగ్రెస్ ప్రభుత్వంలో పాలన లేదు కొట్లాటలే ఉన్నాయి – నలపరాజు రమేష్, BRSV మునుగోడు నియోజకవర్గ ప్రెసిడెంట్

తెలంగాణ రాష్ట్రంలో ప్రస్తుతం కాంగ్రెస్ పార్టీ ప్రభుత్వం అధికారంలో ఉండి కూడా ప్రజలను పూర్తిగా గాలికొదిలేసింది.
ప్రభుత్వం అంటే ప్రజలకు అందుబాటులో ఉండి, రాష్ట్రాన్ని అభివృద్ధి పథంలో నడపాలి. కానీ నేడు కాంగ్రెస్ పార్టీలో పరిస్థితి దారుణంగా ఉంది. ముఖ్యమంత్రి నుండి మంత్రుల వరకు, మంత్రుల నుండి ఎమ్మెల్యేల వరకు ఒకరిపై ఒకరు కత్తులు దూసుకుంటున్నారు.
ప్రజా సమస్యలు పట్టని రేవంత్ సర్కార్ పెండింగ్ లో ఉన్న విద్యార్థుల స్కాలర్ షిప్స్, ఫీజు రీయింబర్స్ మెంట్ ఏమైంది? వేలాది మంది పేద విద్యార్థుల భవిష్యత్తును కాంగ్రెస్ ప్రభుత్వం అంధకారంలోకి నెట్టింది
రైతులకు రుణమాఫీ ఏది
నిరుద్యోగులకు ఉద్యోగ నోటిఫికేషన్లు ఏవి
6 గ్యారెంటీలు ఏమయ్యాయి
మునుగోడు నియోజకవర్గ అభివృద్ధి ఏమైంది?
వీటిపై ఏ ఒక్క మంత్రికి, ఎమ్మెల్యేకి చిత్తశుద్ధి లేదు. వాళ్ళ దృష్టి అంతా కుర్చీల మీద, కమిషన్ల మీదనే ఉంది. కాంగ్రెస్ పార్టీ అంతర్గత కుమ్ములాటల వల్ల తెలంగాణ రాష్ట్ర పరిపాలన పూర్తిగా స్తంభించిపోయింది.
కాంగ్రెస్ నాయకులారా, మీ కుమ్ములాటలు ఆపి, ముందు ప్రజలకు ఇచ్చిన హామీలను నెరవేర్చండి. లేకపోతే ప్రజలే మీకు తగిన బుద్ధి చెబుతారు.
తెలంగాణ రాష్ట్రంలో కాంగ్రెస్ అరాచక పాలనను BRSV తరపున తీవ్రంగా ఖండిస్తున్నాము. రానున్న రోజుల్లో విద్యార్థి, నిరుద్యోగ సమస్యలపై పెద్ద ఎత్తున ఉద్యమం చేపడతామని హెచ్చరిస్తున్నాము