నవపక్షం, శేరిలింగంపల్లి ప్రతినిధి :
శేరిలింగంపల్లి నియోజకవర్గం తారానగర్ గ్రామంలోని బతుకమ్మకుంట సమీపంలో ఈ ఏడాది తొలిసారిగా ఘనంగా విద్యావారిధి ఉత్సవ కమిటీ ఆధ్వర్యంలో వినాయక ఉత్సవాలను నిర్వహించేందుకు శనివారం కర్ర పూజ కార్యక్రమాన్ని నిర్వహించారు.
ఈ కార్యక్రమానికి ఎన్. రామాచారి, యం. మల్లికార్జున శర్మ ముఖ్య అతిథులుగా హాజరై ప్రత్యేక పూజల్లో పాల్గొన్నారు. అతిథులుగా గొల్లపల్లి రాంరెడ్డి, మారం వెంకట్, హరికిషన్, సురేష్ తదితరులు పాల్గొన్నారు.
ఈ సందర్భంగా నిర్వాహకులు మాట్లాడుతూ తారానగర్లో తొలిసారిగా వినాయక ఉత్సవాలను భక్తిశ్రద్ధలతో, ప్రజల భాగస్వామ్యంతో ఘనంగా నిర్వహించేందుకు ఏర్పాట్లు చేస్తున్నట్లు తెలిపారు. భక్తులకు ఎలాంటి ఇబ్బందులు కలగకుండా ఉత్సవాలను క్రమశిక్షణతో నిర్వహించేందుకు కమిటీ సభ్యులు సమన్వయంతో పనిచేస్తున్నారని పేర్కొన్నారు.
కర్ర పూజ కార్యక్రమంలో కమిటీ సభ్యులు మడుపతి శివకుమార్, సంపత్ కుమార్, నరసింహ, మధురాజ్, సాయి, మురళి, గణేష్ కుమార్, సందీప్ కుమార్, సాయి కుమార్, సాయి రతన్, నవీన్, కృష్ణ, యశ్ తదితరులు పాల్గొన్నారు.
అలాగే రాజు, ఆనంద్, శ్రీకాంత్ తదితరులు కార్యక్రమంలో పాల్గొని ఉత్సవ కమిటీకి తమ సహకారం అందించారు. భక్తిశ్రద్ధలతో నిర్వహించిన కర్ర పూజ కార్యక్రమంతో తారానగర్లో వినాయక ఉత్సవాల సందడి ప్రారంభమైంది.
