నవపక్షం, కుత్బుల్లాపూర్ నియోజవర్గ ప్రతినిధి :
భారత ప్రధానమంత్రి శ్రీ నరేంద్ర మోదీ గారి 76వ జన్మదినోత్సవాన్ని పురస్కరించుకొని గురువారం మేడ్చల్ అర్బన్ జిల్లా కుత్బుల్లాపూర్ నియోజక వర్గం నిజాంపేట్ సర్కిల్, బండారి లేఅవుట్ డివిజన్ ఆర్ జి కె కాలనీలో ఎస్సీ మోర్చా నాయకులు కొంకి రాము ఆధ్వర్యంలో నిర్వహించిన నరేంద్ర మోడీ జన్మదిన వేడుకల్లో బీజేపీ ఎస్సీ మోర్చా తెలంగాణ రాష్ట్ర ప్రధాన కార్యదర్శి డాక్టర్ దాసి నాగరాజు ముఖ్య అతిథిగా పాల్గొన్నారు.
ఈ సందర్భంగా నరేంద్ర మోదీ గారికి జన్మదిన శుభాకాంక్షలు తెలియజేస్తూ, దేశ అభివృద్ధి, పేదల సంక్షేమం, సామాజిక సమరసత, రాజ్యాంగ విలువల పరిరక్షణ కోసం ఆయన చేస్తున్న కృషిని కొనియాడారు.
ప్రధాని నరేంద్ర మోదీ నాయకత్వంలో భారతదేశం అభివృద్ధి పథంలో ముందుకు సాగుతోందని దాసి నాగరాజు పేర్కొన్నారు. మోడీ ఆశయాలను ప్రజల్లోకి తీసుకెళ్లేందుకు ప్రతి బీజేపీ కార్యకర్త కృషి చేయాలని పిలుపునిచ్చారు.
ఈ సందర్బంగా నరేంద్ర మోడీ గారు భారత రాజ్యాంగాన్ని కాపాడుతూ25 సంవత్సరాలు ప్రభుత్వాధినేతగా పనిచేసిన నేపథ్యంలో 25 ఆశీర్వాద దీపాలు వెలిగించి నరేంద్ర మోడీ ఆయురారోగ్యాలతో క్షేమంగా ఉంటూ మరింతగా దేశాన్ని ప్రగతి పథంలో నడిపించాలని కోరారు.
ఈ సందర్భంగా మోడీ చిత్రపటానికి పాలభిషేకం చేశారు. అనంతరం మిఠాయిలు పంచారు.
ఈ కార్యక్రమంలో బీజేపీ జిల్లా అధికార ప్రతినిధి రచ్చ చక్రధర్, సీనియర్ నాయకులు బాబు చౌదరి, అంజి, సురేష్, కారుణ్య వెల్ఫేర్ సొసైటీ కార్యదర్శి జోసఫ్, ఎస్సీ మోర్చా కార్యకర్తలు, అభిమానులు, స్థానిక ప్రజలు పాల్గొని ప్రధాని మోదీకి జన్మదిన శుభాకాంక్షలు తెలిపారు.
