నవపక్షం, దేవరకొండ మండల ప్రతినిధి :
దేవరకొండ మండలం: గణపతి నవరాత్రి ఉత్సవాల సందర్భంగా కొండభీమనపల్లి గ్రామంలోని శ్రీ శివాలయంలో అన్నదాన కార్యక్రమాన్ని ఘనంగా నిర్వహించారు. ఈ సందర్భంగా ఆలయానికి విచ్చేసిన భక్తులకు నిర్వాహకులు భక్తిశ్రద్ధలతో అన్నప్రసాదాన్ని వితరణ చేశారు.
ఈ కార్యక్రమంలో గ్రామస్థులు, భక్తులు పెద్ద సంఖ్యలో పాల్గొని గణనాథుడిని దర్శించుకుని అన్నప్రసాదాన్ని స్వీకరించారు. ఆలయ ప్రాంగణం భక్తుల సందడితో ఆధ్యాత్మిక వాతావరణాన్ని సంతరించుకుంది.
భక్తులకు అన్నప్రసాదం అందించిన దాతలు, నిర్వాహకులను గ్రామస్థులు అభినందించి కృతజ్ఞతలు తెలిపారు. గణపతి నవరాత్రి ఉత్సవాల్లో భాగంగా భక్తులకు సేవ చేయడం ఎంతో సంతోషంగా ఉందని నిర్వాహకులు తెలిపారు.
