నవపక్షం, గూడూరు ప్రతినిధి :
కోట మండలం కోట పట్టణంలో బుధవారం స్వర్గస్తులైన టీడీపీ మండల ప్రధాన కార్యదర్శి తిరుమలశెట్టి కోటేశ్వరరావు మాతృమూర్తి తిరుమలశెట్టి ఆదిలక్ష్మమ్మ భౌతికకాయాన్ని గూడూరు నియోజకవర్గ ఎమ్మెల్యే, టీడీపీ రాష్ట్ర ప్రధాన కార్యదర్శి డాక్టర్ పాశిం సునీల్ కుమార్ సందర్శించారు.
ఈ సందర్భంగా ఆదిలక్ష్మమ్మ భౌతికకాయానికి పూలమాల వేసి ఘనంగా నివాళులర్పించారు. అనంతరం కుటుంబ సభ్యులను పరామర్శించి,వారి కుటుంబానికి తన ప్రగాఢ సానుభూతిని తెలియజేశారు.ఆత్మీయురాలిని కోల్పోయిన కుటుంబ సభ్యులకు ధైర్యం చెబుతూ,ఈ విషాద సమయంలో తాను,పార్టీ శ్రేణులు కుటుంబానికి అండగా ఉంటామని భరోసా కల్పించారు.
ఆదిలక్ష్మమ్మ ఆత్మకు శాంతి చేకూరాలని,కుటుంబ సభ్యులకు భగవంతుడు మనోధైర్యాన్ని ప్రసాదించాలని ఎమ్మెల్యే పాశిం సునీల్ కుమార్ ఆకాంక్షించారు.
ఈ కార్యక్రమంలో స్థానిక కోట మండలం టీడీపీ నాయకులు, కార్యకర్తలు,అభిమానులు పాల్గొని ఆదిలక్ష్మమ్మ కు నివాళులర్పించారు.
