నవపక్షం, నాంపల్లి మండల ప్రతినిధి:
మండల కేంద్రంలోని శ్రీ భక్త మార్కండేయ శివాలయంలో గణపతి నవరాత్రి ఉత్సవాలను భక్తిశ్రద్ధలతో నిర్వహించి అనంతరం గణనాథుడి నిమజ్జన కార్యక్రమాన్ని ఘనంగా నిర్వహించారు. ప్రత్యేక పూజలు నిర్వహించిన అనంతరం భక్తులు గణపతిని ఊరేగింపుగా తీసుకెళ్లి నిమజ్జనం చేశారు.
ఉత్సవాల్లో భాగంగా నిర్వహించిన లడ్డూ లక్కీ డ్రాలో పూజారి ఉప్పల యశ్వంత్ శర్మ విజేతగా నిలిచారు. సీనియర్ న్యాయవాది నక్క రవీందర్ లక్కీ డ్రా తీయగా, లడ్డూను యశ్వంత్ శర్మకు అందజేశారు. కలశాన్ని గుర్రం బిక్షమయ్య, పైసల దండను సంగెపు రాము వేలం ద్వారా దక్కించుకున్నారు.
ఈ సందర్భంగా ఉత్సవాలకు సహకరించిన దాతలను సన్మానించారు. కార్యక్రమంలో ఉత్సవ కమిటీ సభ్యులు గుర్రం నందకిషోర్, సంగెపు యశ్వంత్, జశ్వంత్, గుర్రం సాయి, కర్నాటి అనిల్, శిరందాసు కిరణ్, సంగెపు నిఖిల్ తదితరులు పాల్గొన్నారు. కార్యక్రమానికి కర్నాటి శ్రీహరి వ్యాఖ్యాతగా వ్యవహరించారు.
