నవపక్షం, కొత్తపల్లిగోరి ప్రతినిధి :
మండల కేంద్రంలోని సుల్తాన్పూర్ గ్రామానికి చెందిన కోడూరు రాజమౌళి ఇటీవల గుండెపోటుతో మృతి చెందారు. విషయం తెలుసుకున్న భూపాలపల్లి మాజీ ఎమ్మెల్యే గండ్ర వెంకటరమణారెడ్డి శుక్రవారం సుల్తాన్పూర్ గ్రామానికి వెళ్లి రాజమౌళి కుటుంబ సభ్యులను పరామర్శించారు.
ఈ సందర్భంగా మృతుడి కుటుంబ సభ్యులతో మాట్లాడి వారి కుటుంబ పరిస్థితిని తెలుసుకున్నారు. రాజమౌళి మృతి పట్ల తీవ్ర విచారం వ్యక్తం చేస్తూ కుటుంబ సభ్యులకు ప్రగాఢ సానుభూతి తెలిపారు. మృతుడి ఆత్మకు శాంతి చేకూరాలని ప్రార్థించారు. దుఃఖంలో ఉన్న కుటుంబ సభ్యులు ధైర్యంగా ఉండాలని సూచించారు.
ఈ కార్యక్రమంలో ప్రజాప్రతినిధులు, మండల పార్టీ అధ్యక్షుడు హమీద్, కొత్తపల్లె సర్పంచ్ జవాజి రమేష్, ఉపసర్పంచ్ మార్క కమలాకర్, అమ్మ రాజయ్య, పొన్నం రాజు, గ్రామ కమిటీ అధ్యక్షుడు కుమారస్వామి, తిరుపతి, లింగమూర్తి, జిగారి అశోక్, గంటే సుమన్, పాలకుర్తి శ్రీకాంత్, కొండ చందర్ తదితరులు పాల్గొన్నారు.
