నవపక్షం, వికారాబాద్ ప్రతినిధి:
మోమిన్ పేట ఎక్సైజ్ సర్కిల్ పరిధిలో ఎలాంటి అనుమతులు లేకుండా మద్యం విక్రయాలు నిర్వహిస్తే చట్టపరమైన చర్యలు తీసుకుంటామని మోమినిపేట ఎక్సైజ్ సర్కిల్ ఇన్స్పెక్టర్ బి ప్రభావతి. అన్నారు. గురువారం ఆమె విలేకరులతో మాట్లాడుతూ, మోమిన్ పేట ఎక్సైజ్ సర్కిల్ పరిధిలో అక్రమ మద్యం, అనుమతుల్లేని మద్యం విక్రయాలు, నాటు సారా తయారు చేస్తున్న వారిపై తమ సిబ్బంది దాడులు చేసి స్వాధీనం చేసుకొని చర్యలు తీసుకుంటామని సిఐ హెచ్చరించారు. అలాగే సర్కిల్ పరిధిలో ఎక్కడైనా కల్తీ కల్లు విక్రయాలు జరిగిన, గంజాయి, నిషేధిత పదార్థాలు గుట్కా, కొకై వంటి పదార్థాలను ఎక్కడైనా విక్రయించినట్లు తమ దృష్టికి వస్తే ఎంతటి వారైనా చట్టపరమైన చర్యలు తప్పవని ఆమె పేర్కొన్నారు. దసరా ఉత్సవాల సందర్భంగా ఇప్పటికే సమాచారం తెలిసిన ప్రదేశాలను తాండాలను, వైన్స్ లను, కల్లు దుకాణాలను, పాన్ షాపులను ఎప్పటికప్పుడు తనిఖీ చేయడం జరుగుతుందన్నారు .
