నవపక్షం, చౌటుప్పల్ మండల ప్రతినిధి :
దివంగత ఉమ్మడి ఆంధ్రప్రదేశ్ మాజీ ముఖ్యమంత్రి డాక్టర్ వైఎస్ రాజశేఖర్ రెడ్డి 17వ వర్ధంతిని పురస్కరించుకుని చౌటుప్పల్ మున్సిపాలిటీ పరిధిలోని లక్కారం ఎమ్మెల్యే క్యాంపు కార్యాలయంలో కాంగ్రెస్ పార్టీ ఆధ్వర్యంలో ఘనంగా నిర్వహించారు. ఈ సందర్భంగా వైఎస్సార్ చిత్రపటానికి పూలమాలలు వేసి నివాళులు అర్పించారు.
ఈ సందర్భంగా పలువురు కాంగ్రెస్ పార్టీ నాయకులు మాట్లాడుతూ వైఎస్ రాజశేఖర్ రెడ్డి పరిపాలనను స్వర్ణయుగంగా అభివర్ణించారు. పేద, బడుగు, బలహీన వర్గాల సంక్షేమం కోసం రాజీవ్ ఆరోగ్యశ్రీ, 104 సేవలు, ఫీజు రీయింబర్స్మెంట్, రైతులకు ఉచిత విద్యుత్, అర్హులైన వారికి పెన్షన్లు, రేషన్ కార్డులు, పావలా వడ్డీ రుణాలు, ఇందిరమ్మ ఇళ్లు, రెండు రూపాయలకు కిలో బియ్యం వంటి అనేక సంక్షేమ పథకాలను అమలు చేశారని గుర్తుచేశారు.
అలాగే రాష్ట్ర అభివృద్ధికి పలు నూతన ప్రాజెక్టులను నిర్మించి ప్రజలకు సంక్షేమం, అభివృద్ధిని అందించిన ఘనత వైఎస్సార్కు దక్కుతుందని పేర్కొన్నారు. ఆయన ఆశయాలను కొనసాగిస్తూ ప్రజా సంక్షేమం కోసం కాంగ్రెస్ పార్టీ నాయకులు, కార్యకర్తలు కృషి చేయాలని పిలుపునిచ్చారు.
ఈ కార్యక్రమంలో మునుగోడు నియోజకవర్గ కాంగ్రెస్ పార్టీ సమన్వయకర్త పబ్బు రాజు గౌడ్, వ్యవసాయ మార్కెట్ కమిటీ చైర్మన్ ఉబ్బు వెంకటయ్య, మున్సిపల్ చైర్మన్ మోగుదాల పావని రమేష్ గౌడ్, బ్లాక్ కాంగ్రెస్ అధ్యక్షుడు, మార్కెట్ వైస్ చైర్మన్ ఆకుల ఇంద్రసేనారెడ్డి, మున్సిపల్ వైస్ చైర్మన్ గోశిక వినయ్, మండల మరియు మున్సిపాలిటీ అధ్యక్షులు బోయ దేవేందర్, కాసర్ల శ్రీనివాస్ రెడ్డి, వెలగ రాజశేఖర్ రెడ్డి, రామాలయం చైర్మన్ బొబ్బిల్లా మురళి, సర్పంచులు తిగుళ్ల చంద్రయ్య, గంజి వనజ కృష్ణ, రాజు నాయక్, కౌన్సిలర్లు కోసనం రాకేష్ రెడ్డి, పాక చిరంజీవి, పిల్లలమర్రి మధుసూదన్, బద్రి గాలయ్య, కాసర్ల మంజుల, చింతల ఉమా మహేశ్వరి, బత్తుల వాణి, కో-ఆప్షన్ సభ్యులు బాబా షరీఫ్, సందగల్ల విజయ సతీష్, షేక్ పతీమజానీ బాబు, పస్తం గంగారాం, మార్కెట్ డైరెక్టర్లు పబ్బు శ్రీకాంత్, బోయ వెంకట్, మాజీ మండల, మున్సిపల్ అధ్యక్షులు బక్క శ్రీనాథ్, సురవి నరసింహ గౌడ్, ఉపసర్పంచులు బొమ్మకంటి కిశోర్, గడ్డం సత్యం, మాజీ సర్పంచులు గోపి సుధాకర్, జాల మల్లేష్ యాదవ్, వెల్వర్తి యాదగిరి, పాల సంఘం చైర్మన్ డిల్లీ శేఖర్ రెడ్డి, మాజీ కౌన్సిలర్ కొయ్యడ సైదులు గౌడ్, అంతటి బాలరాజు, డీసీసీ కార్యదర్శి బత్తుల భద్రం, కేతరాజ్ అచ్చయ్య, నీలు నాయక్, షాదీఖానా చైర్మన్ కరీం తదితర నాయకులు, కార్యకర్తలు పాల్గొన్నారు.
వైఎస్సార్ వర్ధంతి సందర్భంగా ఆయన సేవలను, ప్రజా సంక్షేమ కార్యక్రమాలను కాంగ్రెస్ నాయకులు, కార్యకర్తలు స్మరించుకున్నారు.
