నవపక్షం, సిద్దిపేట జిల్లా ప్రతినిధి :
సిద్దిపేట క్యాంపు కార్యాలయంలో డిప్యూటీ ఫ్లోర్ లీడర్, సిద్దిపేట ఎమ్మెల్యే హరీశ్ రావును గజ్వేల్ నియోజకవర్గానికి చెందిన బీఆర్ఎస్ పార్టీ సోషల్ మీడియా వారియర్ కళ్యాణి యాదవ్ మర్యాదపూర్వకంగా కలిశారు.
ఈ సందర్భంగా గజ్వేల్ నియోజకవర్గంలో పార్టీ కార్యక్రమాలను సోషల్ మీడియా వేదికగా ప్రజల్లోకి తీసుకెళ్లేందుకు చేస్తున్న కృషి, పార్టీ కార్యక్రమాల ప్రచారంలో చురుకైన పాత్ర పోషిస్తున్న తీరుపై హరీశ్ రావు కళ్యాణి యాదవ్ను అభినందించారు.
సోషల్ మీడియా ప్రస్తుత రాజకీయ, సామాజిక పరిస్థితుల్లో ప్రజలకు సమాచారం చేరవేయడంలో కీలకమైన వేదికగా మారిందని, పార్టీ కార్యక్రమాలు, ప్రజా సమస్యలను సోషల్ మీడియా ద్వారా విస్తృతంగా ప్రజల్లోకి తీసుకెళ్లేందుకు మరింత చురుకుగా పనిచేయాలని సూచించినట్లు తెలిపారు.
ఈ సందర్భంగా కళ్యాణి యాదవ్ మాట్లాడుతూ తనను అభినందించిన హరీశ్ రావుకు కృతజ్ఞతలు తెలిపారు. బీఆర్ఎస్ పార్టీ కార్యక్రమాలను సోషల్ మీడియా ద్వారా ప్రజల్లోకి తీసుకెళ్లడంతో పాటు ప్రజా సమస్యలను ప్రభుత్వం దృష్టికి తీసుకెళ్లేందుకు తన వంతు కృషి చేస్తానని తెలిపారు.
