నవపక్షం, నకిరేకల్ ప్రతినిధి :
నకిరేకల్ పట్టణ కేంద్రంలోని మూసి రోడ్డులో ప్రజ్ఞ యూత్ ఆధ్వర్యంలో ఏర్పాటు చేసిన శ్రీ వినాయకుడికి ఘనంగా ప్రత్యేక పూజలు నిర్వహించారు.
ఈ కార్యక్రమానికి ప్రభుత్వ విప్, ఎమ్మెల్యే వేముల వీరేశం ముఖ్య అతిథిగా హాజరై వినాయకుడిని దర్శించుకుని ప్రత్యేక పూజలు నిర్వహించారు.
ఈ సందర్భంగా యువ నాయకుడు యంగలి గోపి గౌడ్–సౌమ్య దంపతులు అన్నదాన దాతలుగా వ్యవహరించి భక్తులు, స్థానిక ప్రజల కోసం అన్నదాన కార్యక్రమాన్ని నిర్వహించారు. ఈ కార్యక్రమంలో భక్తులు, యువత, స్థానిక ప్రజలు పెద్ద సంఖ్యలో పాల్గొని స్వామివారిని దర్శించుకున్నారు.
యంగలి గోపి గౌడ్–సౌమ్య దంపతులు స్వామివారికి ప్రత్యేక పూజలు నిర్వహించి నైవేద్యం సమర్పించారు. అనంతరం వారి ఆధ్వర్యంలో భక్తులకు అన్నదానం నిర్వహించారు. పెద్ద సంఖ్యలో భక్తులు అన్నదాన కార్యక్రమంలో పాల్గొని భోజన ప్రసాదాన్ని స్వీకరించారు.
ప్రజలందరికీ సుఖసంతోషాలు, ఆయురారోగ్యాలు కలగాలని, విఘ్నాలను తొలగించి గణనాథుడి ఆశీస్సులు ప్రతి ఒక్కరిపై ఉండాలని నిర్వాహకులు ప్రార్థించారు. ఈ సందర్భంగా అన్నదాన దాతలు యంగలి గోపి గౌడ్–సౌమ్య దంపతుల సేవాభావాన్ని పలువురు అభినందించారు.
