నవపక్షం, బిచ్కుంద ప్రతినిధి :
80వ స్వాతంత్ర్య దినోత్సవాన్ని పురస్కరించుకుని బిచ్కుంద రైతు సేవా సహకార సంఘం కార్యాలయంలో స్వాతంత్ర్య దినోత్సవ వేడుకలను ఘనంగా నిర్వహించారు. ఈ సందర్భంగా సంఘం పీఐసీ అధ్యక్షులు నాల్చర్ బాలాజీ జాతీయ పతాకాన్ని ఆవిష్కరించారు.
ఈ సందర్భంగా నాల్చర్ బాలాజీ మాట్లాడుతూ, దేశ స్వాతంత్ర్యం కోసం ఎందరో మహనీయులు చేసిన త్యాగాలను ప్రతి ఒక్కరూ స్మరించుకోవాలని అన్నారు. వారి ఆశయాలను స్ఫూర్తిగా తీసుకుని దేశ అభివృద్ధితో పాటు రైతుల సంక్షేమానికి ప్రతి ఒక్కరూ తమ వంతు కృషి చేయాలని పిలుపునిచ్చారు.
రైతు సేవా సహకార సంఘాల ద్వారా రైతులకు అందుతున్న సేవలను మరింత మెరుగుపరిచేందుకు సిబ్బంది, పాలకవర్గ సభ్యులు సమన్వయంతో పనిచేయాలని ఆయన సూచించారు. రైతులకు అవసరమైన సహకారం అందిస్తూ వారి అభివృద్ధికి కృషి చేయాలని తెలిపారు.
ఈ కార్యక్రమంలో సంఘం వైస్ చైర్మన్ యాదారావ్, సంఘ డైరెక్టర్లు చంద్రకాంత్ పటేల్, అనిశెట్టి శివరాజ్, శంకర్ నాయక్, సాయిని శంకర్, రైతులు, సంఘం CEO, సిబ్బంది తదితరులు పాల్గొన్నారు.
ఈ సందర్భంగా పాల్గొన్న వారందరూ పరస్పరం స్వాతంత్ర్య దినోత్సవ శుభాకాంక్షలు తెలియజేసుకున్నారు. దేశ సమగ్ర అభివృద్ధి, రైతుల సంక్షేమం కోసం ఐక్యంగా పనిచేయాలని ఆకాంక్షించారు.
