కొండభీమనపల్లిలో ఘనంగా గణేష్ నవరాత్రి ఉత్సవాలు ప్రారంభం

నవపక్షం, దేవరకొండ, సెప్టెంబర్ 14:

దేవరకొండ మండలం కొండభీమనపల్లి గ్రామంలోని హనుమాన్ గుడి వద్ద గణేష్ నవరాత్రి ఉత్సవాలు ఘనంగా ప్రారంభమయ్యాయి. ఉత్సవాల్లో భాగంగా మొదటిరోజు గణనాథుడికి ప్రత్యేక పూజా కార్యక్రమాలను భక్తిశ్రద్ధలతో నిర్వహించారు.
ఈ సందర్భంగా గ్రామ ప్రజలు, భక్తులు పెద్ద సంఖ్యలో పాల్గొని గణేశుడిని దర్శించుకుని ప్రత్యేక పూజలు నిర్వహించారు. గ్రామంలో భక్తి వాతావరణం నెలకొంది. గణేష్ నవరాత్రి ఉత్సవాలు విజయవంతంగా కొనసాగాలని, గ్రామ ప్రజలందరికీ సుఖశాంతులు, ఆయురారోగ్యాలు కలగాలని భక్తులు ఆకాంక్షించారు.
ఈ కార్యక్రమంలో బొడ్డుపల్లి ఏడుకొండలు, పగిళ్ల చంద్రయ్య, గుండాల వెంకట్ యాదవ్, గుంటోజు రాజు, సురకారం శేఖర్ గౌడ్, కడారి మల్లేష్ యాదవ్, పగిళ్ల శ్రీను, బీనమోనీ శివ యాదవ్, గొట్టుముక్కుల శివ, నందోజు అంజి, బొడ్డుపల్లి మోహన్, పంగ కమలాకర్, బొడ్డుపల్లి మధు, జబ్బు అంజి యాదవ్, ముడిగ శివ యాదవ్, బైకానీ అంజి యాదవ్, సురకారం రమేష్ గౌడ్, గోదాసి శ్రీశైలం, గొట్టుముక్కుల శివప్రసాద్ తదితరులు పాల్గొన్నారు.