20.360 కిలోల గంజాయి పట్టివేత – ఇద్దరు నిందితుల అరెస్ట్
యాదాద్రి భువనగిరి జిల్లా ఎస్పీ అక్షాన్ష్ యాదవ్ ఐపీఎస్ గారి ఆదేశాల మేరకు, చౌటుప్పల్ డీఎస్పీ శ్రీ మధుసూదన్ రెడ్డి గారి పర్యవేక్షణలో, చౌటుప్పల్ పోలీస్ స్టేషన్ ఇన్స్పెక్టర్ శ్రీ జి. మన్మధ కుమార్ ఆధ్వర్యంలో, ఈగల్ ఫోర్స్ సహకారంతో పోలీసులు అక్రమంగా గంజాయి తరలిస్తున్న ఇద్దరు నిందితులను అరెస్ట్ చేశారు.
నిందితుల వద్ద నుండి 20.360 కిలోల గంజాయి, మూడు మొబైల్ ఫోన్లు మరియు ఒక ఫ్రాంక్స్ కారును పోలీసులు స్వాధీనం చేసుకున్నారు.
విశ్వసనీయ సమాచారంతో వాహనాల తనిఖీలు
27-08-2026 తేదీన చౌటుప్పల్ పోలీస్ స్టేషన్ ఎస్ఐ శ్రీ ఎస్. కృష్ణమాల్ గారికి అందిన విశ్వసనీయ సమాచారం మేరకు, పోలీస్ సిబ్బందితో కలిసి ఎన్హెచ్-65 హైదరాబాద్ రోడ్డులోని చౌటుప్పల్ విద్యుత్ ఉపకేంద్రం సమీపంలో వాహనాల తనిఖీలు చేపట్టారు.
ఈ క్రమంలో ఓడీ-02-డీఎస్-897 నంబర్ గల ఫ్రాంక్స్ కారును అనుమానంతో ఆపి క్షుణ్ణంగా తనిఖీ చేశారు. వాహనం వెనుక భాగంలోని డిక్కీలో గోధుమరంగు టేపుతో చుట్టిన ప్యాకెట్లను పోలీసులు గుర్తించారు.
ప్యాకెట్లను పరిశీలించగా అందులో గంజాయి ఉన్నట్లు గుర్తించారు. మొత్తం 20 ప్యాకెట్లలో 20.360 కిలోల గంజాయి ఉన్నట్లు తూకం వేసి నిర్ధారించారు.
స్వాధీనం చేసుకున్న వస్తువులు
🔹 20.360 కిలోల గంజాయి
🔹 3 మొబైల్ ఫోన్లు
🔹 1 ఫ్రాంక్స్ కారు
1) త్రిలోచన్ సామంత్రా, వయస్సు 30 సంవత్సరాలు, రాజ్నగర్ గ్రామం, కేంద్రపారా జిల్లా, ఒడిశా రాష్ట్రం.
2) సాగర్బాల్, వయస్సు 23 సంవత్సరాలు, రాజ్నగర్, కేంద్రపారా జిల్లా, ఒడిశా రాష్ట్రం.
విచారణలో కీలక విషయాలు
పోలీసుల విచారణలో నిందితులు ఒడిశా రాష్ట్రం నుండి గంజాయిని తక్కువ ధరకు కొనుగోలు చేసి, తెలంగాణలో అధిక ధరకు విక్రయించేందుకు అక్రమంగా తరలిస్తున్నట్లు వెల్లడైంది.
గంజాయిని తరలించినందుకు నిందితులకు రూ.50,000/- చెల్లిస్తామని ఆఫర్ చేసినట్లు కూడా విచారణలో వెల్లడైంది.
ఈ అక్రమ గంజాయి రవాణా వెనుక ఉన్న ఇతర వ్యక్తుల ప్రమేయం, గంజాయి సరఫరా వ్యవస్థ మరియు కొనుగోలు–విక్రయాలపై పోలీసులు దర్యాప్తు కొనసాగిస్తున్నారు.
చట్టపరమైన చర్యలు
స్వాధీనం చేసుకున్న గంజాయి, మొబైల్ ఫోన్లు మరియు వాహనాన్ని తదుపరి చట్టపరమైన చర్యల కోసం పోలీసులు స్వాధీనంలో ఉంచారు.
నిందితులపై మాదకద్రవ్యాల నియంత్రణ చట్టం కింద కేసు నమోదు చేసి, ఇద్దరినీ అరెస్ట్ చేశారు. అనంతరం న్యాయస్థానంలో హాజరుపరిచి న్యాయ రిమాండ్కు తరలించారు.
మత్తు పదార్థాల అక్రమ రవాణాపై కఠిన చర్యలు
యాదాద్రి భువనగిరి జిల్లా పరిధిలో గంజాయి మరియు ఇతర మత్తు పదార్థాల అక్రమ రవాణా, విక్రయాలు, వినియోగంపై పోలీసులు నిరంతరం నిఘా కొనసాగిస్తున్నారు.మత్తు పదార్థాల అక్రమ రవాణాకు పాల్పడే వ్యక్తులపై చట్టపరంగా కఠిన చర్యలు తీసుకుంటామని, యువత మత్తు పదార్థాలకు దూరంగా ఉండేలా ప్రజల్లో విస్తృత అవగాహన కార్యక్రమాలు నిర్వహిస్తున్నామని పోలీసులు తెలిపారు.మత్తు పదార్థాల రహిత సమాజ నిర్మాణానికి ప్రజలు పోలీసులకు సహకరించాలని యాదాద్రి భువనగిరి జిల్లా పోలీసులు విజ్ఞప్తి చేశారు.
PRO
YADADRI BHUVANAGIRI
