నవపక్షం, మొయినాబాద్ ప్రతినిధి :
యేన్కేపల్లి అనుబంధ గ్రామమైన జివాన్ గూడ గ్రామానికి ప్రధాన రహదారి సమస్యను పరిష్కరించేందుకు 9వ వార్డు కౌన్సిలర్ ముదిగొండ ప్రభాకర్ యాదవ్ గారు ముందడుగు వేశారు.ఎన్నికల సమయంలో జివాన్ గూడ గ్రామ ప్రజలకు ఇచ్చిన హామీ మేరకు, ఎన్నికల్లో గెలిచిన ఆరు నెలల్లోనే తన సొంత నిధులతో సీసీ రోడ్డు నిర్మాణం చేపట్టి హామీని నెరవేరుస్తున్నారు.చాలా కాలంగా గ్రామ ప్రజలు ఎదుర్కొంటున్న ప్రధాన రహదారి సమస్యకు శాశ్వత పరిష్కారం చూపేందుకు సొంత నిధులతో సీసీ రోడ్డు నిర్మాణం చేపట్టడం పట్ల స్థానిక ప్రజలు హర్షం వ్యక్తం చేస్తున్నారు. ప్రజలకు ఇచ్చిన మాటను నిలబెట్టుకోవడమే తన ప్రధాన లక్ష్యమని కౌన్సిలర్ ముదిగొండ ప్రభాకర్ యాదవ్ గారు తెలిపారు. 9వ వార్డులో ఉన్న ప్రతి సమస్యను గుర్తించి, దశలవారీగా అభివృద్ధి పనులు చేపట్టి, మోయినాబాద్ మున్సిపాలిటీలోనే 9వ వార్డును ఆదర్శవార్డుగా తీర్చిదిద్దుతామని ఆయన తెలిపారు. ప్రజల అవసరాలకు అనుగుణంగా మౌలిక వసతుల కల్పన, రహదారుల అభివృద్ధి తదితర సమస్యలకు ప్రాధాన్యతనిస్తూ ముందుకు సాగుతామని ముదిగొండ ప్రభాకర్ యాదవ్ గారు పేర్కొన్నారు.
