నవపక్షం, రంగారెడ్డి జిల్లా ప్రతినిధి:
అమ్డాపూర్ గ్రామంలోని 9వ వార్డులో విద్యుత్ స్తంభాలకు కరెంట్ వైర్ లేకపోవడంతో వీధి దీపాలు వెలగక ప్రజలు ఇబ్బందులు ఎదుర్కొంటున్నారు. ఈ సమస్యను గుర్తించిన వార్డు సభ్యుడు గొల్లపల్లి రవీందర్ రెడ్డి వెంటనే స్పందించి, వీధి దీపాలు వెలిగేందుకు విద్యుత్ స్తంభాలకు కొత్త కరెంట్ వైర్ ఏర్పాటు చేయించారు.
అనంతరం వార్డులోని ప్రజలను కలిసి ఇతర సమస్యలను అడిగి తెలుసుకున్నారు. వార్డులో ఏ సమస్య ఉన్నా తన దృష్టికి తీసుకురావాలని, ప్రజలకు ఎల్లప్పుడూ అందుబాటులో ఉంటూ సమస్యల పరిష్కారానికి కృషి చేస్తానని వార్డు సభ్యుడు గొల్లపల్లి రవీందర్ రెడ్డి హామీ ఇచ్చారు.
ప్రజల సమస్యలను ఎప్పటికప్పుడు తెలుసుకుంటూ, వార్డు అభివృద్ధికి తన వంతు కృషి చేస్తానని ఆయన తెలిపారు.
