నవపక్షం, కేతేపల్లి మండల ప్రతినిధి :
కేతేపల్లి మండలం గుడివాడ గ్రామంలోని నల్లోల బజార్లో వినాయక చవితి వేడుకలు ఘనంగా నిర్వహించారు. శివాజీ మహారాజ్ యూత్ ఆధ్వర్యంలో ఏర్పాటు చేసిన శ్రీ వినాయక విగ్రహాన్ని భక్తిశ్రద్ధలతో అలంకరించి ప్రత్యేక పూజా కార్యక్రమాలు నిర్వహించారు. ఈ సందర్భంగా గ్రామంలో ఆధ్యాత్మిక వాతావరణం నెలకొంది. భక్తులు పెద్ద సంఖ్యలో పాల్గొని స్వామివారిని దర్శించుకొని ప్రత్యేక పూజలు నిర్వహించారు.
ఈ కార్యక్రమానికి బీఆర్ఎస్ పార్టీ యువ నాయకులు యంగలి గోపి గౌడ్, రాచకొండ గోపి గౌడ్ హాజరై శ్రీ వినాయకుడిని దర్శించుకొని ప్రత్యేక పూజలు నిర్వహించారు. ఈ సందర్భంగా వారు మాట్లాడుతూ, విఘ్నాలను తొలగించి ప్రజలందరికీ సుఖసంతోషాలు, ఆయురారోగ్యాలు ప్రసాదించాలని, గ్రామ ప్రజలంతా సుఖశాంతులతో ఉండాలని స్వామివారిని ప్రార్థించినట్లు తెలిపారు.
వినాయక చవితి పర్వదినాన్ని పురస్కరించుకొని నిర్వాహకులు భక్తుల కోసం ప్రత్యేక ఏర్పాట్లు చేశారు. భక్తులు భక్తిశ్రద్ధలతో గణనాథుడిని దర్శించుకొని పూజలు నిర్వహించారు. గ్రామ ప్రజలంతా ఐకమత్యంతో పండుగను ప్రశాంతంగా, భక్తిశ్రద్ధలతో జరుపుకోవాలని ఆకాంక్షించారు.
ఈ కార్యక్రమంలో యువకులు, భక్తులు, గ్రామ ప్రజలు తదితరులు పాల్గొన్నారు.
