నవపక్షం, మోత్కూర్ :
రిటైర్డ్ ఎంప్లాయిస్ మోత్కూర్ యూనిట్ పూర్వ మండల అధ్యక్షులు మర్రి ఆనందం 75వ జన్మదిన వేడుకలను పర్యావరణ పరిరక్షణకు ప్రాధాన్యతనిస్తూ శనివారం ఘనంగా నిర్వహించారు. మోత్కూర్లోని ముత్యాలమ్మ తల్లి ఆలయ ప్రాంగణంలో రావి, వేప మొక్కలను నాటి పచ్చదన సందేశాన్ని చాటిచెప్పారు.
ఈ సందర్భంగా మర్రి ఆనందం ఆత్మీయులు, శాఖా గ్రంధాలయం మోత్కూర్ చైర్మన్ కోమటి మత్స్యగిరి ఆధ్వర్యంలో శాలువాతో ఘనంగా సన్మానించి జన్మదిన శుభాకాంక్షలు తెలిపారు. సమాజ సేవ, ఉద్యోగుల సంక్షేమం కోసం మర్రి ఆనందం చేసిన సేవలను పలువురు కొనియాడారు.
కార్యక్రమంలో పట్టూరి అంజయ్య, గుంటి లక్ష్మయ్య, కోమటి మత్స్యగిరి, చారి తదితరులు పాల్గొని మర్రి ఆనందం ఆరోగ్యంగా, ఆయురారోగ్యాలతో నిండి దీర్ఘాయుష్షుతో ఉండాలని ఆకాంక్షించారు. ఆలయ ప్రాంగణంలో మొక్కలు నాటడం ద్వారా భవిష్యత్ తరాలకు పచ్చని వాతావరణాన్ని అందించాలనే సంకల్పాన్ని వ్యక్తం చేశారు.
జన్మదిన వేడుకలు ఆధ్యాత్మిక వాతావరణంలో సాదాసీదాగా అయినా హృదయపూర్వకంగా నిర్వహించబడగా, కుటుంబ సభ్యులు, మిత్రులు, ఆత్మీయులు పెద్ద సంఖ్యలో హాజరై మర్రి ఆనందాన్ని అభినందించారు.
